سرائیکی زبان اَتے لسانیات
اسلم رسول پوری لسانیات ، صوتیات ، آرتھوگرافی ، تاریخی لسانیات تے تقابلی لسانیات وچ نمایاں مقام رکھدن ۔ پیش نظر کتاب ترائے ابواب تے مشتمل ہے۔ پہلا باب ’’مطالعے‘‘ دا ہے ۔ جیندے وچ سرائیکی دیاں قدیم ماخذی زبان تے جدید ہمسایہ زباناں نال تعلق دے اُتے کُجھ ماہرین لسانیات دے نظریات پیش کیتے ڳن ، جیویں مہر عبدالحق ، نوم چومسکی ، ساسر تے باختن ۔ ݙوجھے باب وچ سرائیکی زبان دے ناں ، اِملاء تے انگریزی لہجے دے مسائل تے بحث کیتی ڳئی ہے ۔ آخری باب جائزے تے مشتمل ہے ۔ جیندے وچ غیر آریائی زباناں دی تقابلی لغت تے سرائیکی وچ لاطینی الفاظ دا جائزہ گھدا ڳئے۔
پروفیسر مقبول حسن گیلانی لکھدن جو:
’’اپݨے موضوع دے اعتبار نال اہم کتاب اے ،ظہور احمد دھریجہ ادارہ جھوک دی طرفوں ایں کتاب کوں شائع کرتے طالب علمیں واسطے ٻہوں سوکھ پیدا کیتی اے ۔
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی