سرائیکی رسالہ ’’روہی رنگ ‘‘خان پور
سرائیکی رسالہ ’’ روہی رنگ‘‘ خان پور ظہور دھریجہ، منیر دھریجہ تے رشید دھریجہ شروع کیتا۔ اے سلسلہ ہک کتابی سلسلہ ہئی۔ (یکے از مطبوعات سلسلہ نمبر 1) ایں رسالے دی خاصیت اے ہے جو ایندی تاریخ کینی لکھی ڳئی، رسالے دے صفحہ نمبر 31 تے ہک نکی جہی خبر لڳی ہوئی ہے۔ اسلامیہ یونیورسٹی اچ سرائیکی شعبے دا قیام اتھوں اندازہ تھیندے جو اے رسالہ 1989ء کول شروع تھیا ہوسے۔
رسالہ ٻہوں خوبصورت اے، پہلے صفحے تے ’’خطبہ بلا نقط ‘‘ منسوب بر حضرت علی کرم اللہ وجہ تعالیٰ سرائیکی ترجمہ بلا نقط از علامہ محمد اعظم سعیدی کراچی۔
ݙوجھے صفحے تے مرتبین تے روہی رنگ پبلیکیشنر دا ناں تے عنوانات دی فہرست ݙتی ڳیاے۔ اتے تریجھے صفحے تے ارشاد باری تعالیٰ، ارشادات نبوی، اقوال خلفائے راشدین، تے اقوال زریں بیان کیتے ڳئے ہن۔ اتے اے خان پور روہی رنگ پبلی کیشنز دی پہلی پیش کش ہے اتے ایں دیوان اِچ ضلع رحیم یار خان دی تریخ، نعتاں ، غزلاں ،حضرت خواجہ فرید دے کالم دا منظوم انگریزی ترجمہ ،اتے خطوط شامل ہن ۔
سرائیکی رسالہ ’’ روہی رنگ‘‘ خان پور توں ظہور دھریجہ، منیر دھریجہ نے شروع کیتا، کیونجو ایندا پہلا سلسلہ وی کتابی سلسلہ ہئی (یکے ازمطبوعات سلسلہ نمبر 2) اتے پہلے رسالے وانگوں ایندی وی تاریخ کنی لکھی پئی۔ جیویں کہ پہلا سلسلہ اندازاً 1989ء ہے ایویں ہی اے رسالہ اندازاً ݙو چار مہینے بعد چھاپیا ڳیا ہوسے۔ایندے وی پہلے صفحہ تے ہدیہ حمد و نعت ہے۔ اتے نال ہی رئیس الاولیاء حضرت خواجہ دُر محمد صاحب کوریجہ دی شان اچ شاعری لکھی ڳئی اے۔ عنوانات دی تندیر اِچ سفر نامہ ، منظومات سرائیکی منظومات ، سفر نامہ، افسانہ، ڈرامہ تے خطوط شامل ہن۔
جھوک اخبار دی اشاعت توں پہلے دھریجہ برادران دا تعلق طباعت و اشاعت دے شعبہ نال ہئی۔ ظہور احمد دھریجہ نے روزنامہ ’’رہبر‘‘ بہاولپور تے افشاں پرنٹنگ پریس رحیم یار خان وچ بطور کاتب کم کیتا تے ۱۹۸۲ء وچ خان پور وچ دھریجہ پرنٹنگ پریس قائم کیتی۔ رسالہ ’’روہی رنگ‘‘ دا آغاز کیتا دھریجہ پرنٹرز دے ذیلی اداریاں ’’دھریجہ ادبی اکیڈمی‘‘ تے ’’ روہی رنگ پبلیکیشنز‘‘ کنوں ’’چند سرائیکی اصطلاحات و مترادفات‘‘ از قیس فریدی تے ’’ توں سورج میں سورج مُکھی‘‘ از قیس فریدی جیہاں کتاباں دی اشاعت کیتی۔ ایں ادبی تے اشاعتی پس منظر وچ جھوک اخبار دی اشاعت دے نال ای جھوک پبلشرز دے ناں توں ادارے نے کتاباں چھاپݨ دا باقاعدہ آغاز کیتا۔ ایں سلسلے وچ خان پور توں ہی ’’دیوان فریدؒ‘‘ از قیس فریدی، ’’آمشام‘‘ از قیس فریدی تے ’’کُوکدے پندھ کُرلاندے پاندھی‘‘ از عبدالباسط بھٹی جیہاں کتاباں چھاپیاں۔
خان پور دے مرکزی تے وݙے شہراں توں پرے ہووݨ تے اخبار دی ترسیل وچ رُکاوٹاں ہووݨ پاروں ایں اخبار تے اشاعتی ادارے کوں ۱۹۹۴ء وچ خان پور توں ملتان منتقل کر ݙتا ڳیا۔ ظہور دھریجہ لکھدن:
’’ خان پور دے سنٹرل پیلس توں دُور ہووݨ تے ملتان دے سنٹرل پیلس ہووݨ دی وجہ نال اخبار دی مؤثر سرکولیشن واسطے ۱۹۹۴ء توں اے ادارہ خان پور توں ملتان منتقل تھیا۔‘‘
حوالہ
[لکھو | ماخذ وچ تبدیلی کرو]ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان) نگران مقالہ: ڈاکٹر محمد ممتاز خان کلیانی