سرائیکی دیاں ٻجھارتاں
ٻجھارتاں ہر جاہ تے ہوندیاں ہَن ،چھوکرے رَل ٻہوں ہا تاں ہک ݙوجھے کوں ٻجھارتاں پیندے ہاسے ۔پہلے اے ٻجھارتاں ݙاݙی نانی ، اماں ماسی تے ٻیاں وݙیاں پیندیاں ہَن ۔ کجھ ٻجھارتاں ایں ہوندیاں ہَن :
o… اے ٻجھارت ٻجھ، ہتھ نہ آوی کُجھ
o… ہک دٻلی داݨے دار ماوے جیندے وچ لکھ ہزار
o… اَندھی کوٹھی دھوں اندھار، مارے ٹپ تے نکلے پار
o… راہ تے رَن ویئی ،آندے ویندے جھمر لئی
o… اُچے ٹٻے تے اُٹھ کُٹھا ، کھل کُراڑی ماس مِٹھا
o… کالی ککڑ چِٹے ٻچے، پیو دے اَمدیں ہک نہ بچے
o… اَندھی منجھ ،لوڑھا لتاڑے
o… لہور دیگچا چڑھیا ، بھاہ لڳی ملتان، دلی پھوکاں ماریاں ، سڑ ڳیا ہندوستان
o… چِٹا کھیر وانگوں ، پیا چُمیندے پیر وانگوں ،ٻدھا ڳے تقصیر وانگوں
o… کالی ککڑ دنبے دار ، مارے ٹپ تے ونڄے پار
o… نِکی جہی کیاری ، لڳے ٻہوں پیاری
o… چِٹی تھڳڑی اُتوں آئی ، تئیں کیوں چئی تیݙی ماء دی ہئی
o… تھٻا تھٻا آندریں دا ، جہڑا نہ منّے پُتر باندریں دا
حوالہ
[لکھو | ماخذ وچ تبدیلی کرو]کتاب: مُہاڳ، مصنف: ظہور احمد دھریجہ ، ناشر: جھوک پبلشرز ، ملتان