سرائیکی قومی ݙین٘ہ
سرائیکی زبان دا قومی ݙین٘ہ ٢٢ نومبر (٩ من٘گھر ) کوں منایا ویندے۔[١] سرائیکی قوم ایں ݙین٘ہ کوں سرائیکی زبان دے فروغ تے سرائیکی زبان دے تحفظ دا عزم کریندی ہے. سرائیکی وسیب سمیت پوری دنیا دے سرائیکی ایہ ݙیہاڑا منیندے ہن.
- سیمینار تے جلسے کریندے ہن.
- اخبار خاص ایڈیشن شائع کریندے ہن.
- ریڈیو ٹی وی تے سرائیکی بارے پروگرام تھیندے ہن.
- ایہ ݙین٘ہ سرائیکی قوم کیتے جشن دا ݙین٘ہ ہے.
- سرائیکی لوک ثقافتی کپڑے پیندن۔
- مزیدار تے روایتی کھاݨے پکیندے ہن۔
سرائیکی قومی ݙین٘ہ
[لکھو | ماخذ وچ تبدیلی کرو]- ٻاویہ نومبر سرائیکی زبان دا قومی ݙین٘ہ ہے.
- ایہ ݙین٘ہ سرائیکی زبان تے سرائیکی ثقافت دا مشترکہ ݙین٘ہ ہے.
- یعنی ٻاویہ نومبر سرائیکی قوم دا قومی ݙین٘ہ ہے.
- اکویہ فروری صرف زباناں دا عالمی ݙن٘یہ ہے.
- چھی مارچ صرف سرائیکی اجرک ݙین٘ہ ہے.
تاریخ
[لکھو | ماخذ وچ تبدیلی کرو]٢٢ نومبر ٢٠٢٠ء کوں سرائیکی وکی پیڈیا تے سرائیکی وکشنری دی منظوری تھئی۔ سرائیکی وکی پیڈیا دی منظوری نال سرائیکی زبان ہک نویں دور وی داخل تھی ڳئی۔
سرائیکی زبان دا قومی مہینہ
[لکھو | ماخذ وچ تبدیلی کرو]- نومبر ١٩٦٦ء وچ کمیشنر بہاولپور حسین حیدر ہوراں سنٹرل لائبریری بہاول پور وچ سرائیکی زبان تے ادب دا وکھرا شعبہ قائم کیتا۔ ایں بارے تفصیلی مضمون ہفت روزہ کائنات ٢٠ نومبر ١٩٦٦ء وچ چھپیا ہے۔
- ٢١ نومبر ١٩٧٠ء کوں ریڈیو پاکستان ملتان قائم تھیا۔ ایندے نال سرائیکی کوں پھلݨ پھُلݨ دا موقع ملیا۔
- نومبر سرائیکی زبان دا قومی مہینہ ہے۔ ہر سال نومبر وچ مہرے آلا ضلع راجن پور وچ عاشق بزدار سرائیکی میلہ کرویندے۔ ایہ میلہ ١٩٨٦ء کنوں جاری ہے۔
- نومبر ٢٠٢٤ء وچ پنجاب ٹیکسٹ بک بورڈ لہور ولوں یارھویں دی سرائیکی دی کتاب چھپ تے مارکیٹ وچ آئی.
- نومبر ٢٠٢٤ء وچ میٹا اے آئی وچ سرائیکی شامل تھئی ہے. میٹا اے آئی، ورڈ پریس، فائرفوکس، وکیپیڈیا تے گوگل وچ سرائیکی شامل تھیوݨ نال سرائیکی ہک عالمی زبان بݨ ڳئی ہے.
سرائیکی قومی ݙین٘ہ ٢٠٢٤ء
[لکھو | ماخذ وچ تبدیلی کرو]٢٢ نومبر ٢.٢٤ء سمورے سرائیکی وسیب وچ منایا ڳئے. مرکزی تقریب وسیب ہاؤس رشید آباد ملتان وچ منعقد تھئی. تقریب دی صدارت ظہور دھریجہ کیتی تے آصف خان لغاری آن لائن خطاب کیتا. کراچی وچ وی سرائیکی دا قومی ݙین٘ہ منایا ڳیا. سرائیکی گیت ریلیز تھئے۔
سرائیکی قومی ݙین٘ہ ٢٠٢٥ء
[لکھو | ماخذ وچ تبدیلی کرو]٢٢ نومبر ٢٠٢٥ء کوں مرکزی تقریب وسیب ہاؤس رشید آباد ملتان وچ تھئی۔ کراچی وچ ہمدرد سرائیکی پارٹی تے وسیب نیشنل تحریک دی طرفوں وݙے پروگرام تھئے۔
قومی ݙین٘ہ مناوݨ دا مقصد
[لکھو | ماخذ وچ تبدیلی کرو]سرائیکی قومی ݙین٘ہ ہِک اہم موقع ہِے جِہڑا ہر سال ٻاویہ نومبر کوں منایا وین٘دے۔ اِیں ݙین٘ہ کوں مناوݨ دا مقصد سرائیکی ثقافت، زبان اَتے تاریخ کوں ودھارا ݙیوݨ ہِے۔ سرائیکی قوم اپݨی اَنوکھی سُنڄاݨ رکھین٘دی ہِے اَتے اِیں ݙین٘ہ کوں منا تے اِیں سُنڄاݨ کوں ظاہر کرین٘دی ہِے۔
اِیں ݙین٘ہ تے سرائیکی لوک وݙے جوش و خروش نال رَل تے اپݨے ثقافتی پروگرام کروین٘دِن۔ اِیں ݙین٘ہ تے مشاعرے، موسیقی دیاں محفلاں، اَتے روایتی کھیݙاں دا اہتمام کِیتا ویندے۔ سرائیکی لوک اپݨے روایتی کپڑے پین٘دِن اَتے اپݨی ثقافت نال محبت دا اظہار کریندِن۔
اِیں ݙین٘ہ کوں مناوݨ دا ہِک ٻیا مقصد سرائیکی لوکاں وچ اتحاد پیدا کرݨ ہِے۔ اِیں موقع تے لوک رَل مِل تے ہِک ٻئے نال اپݨے ݙُکھ سُکھ سانجھے کریندِن۔ اِیں ݙین٘ہ کوں منا تے سرائیکی لوک اپݨی ثقافت اَتے زبان کوں پُوری دُنیا وچ متعارف کروین٘دِن۔
سرائیکی قومی ݙین٘ہ ہِک یاد دہانی ہِے جو اَساں اپݨی ثقافت اَتے زبان دی حفاظت کروں اَتے اِیکوں اگلی پِیڑھی تئیں پُہنچاؤں۔ اَساں سب کوں رَل مِل تے اِیں ݙین٘ہ کوں مناوݨا چاہیدا ہِے اَتے اَپݨی ثقافت اَتے سُنڄاݨ تے فخر کرݨا چاہیدا ہِے۔