سرائیکی خزانہ

کتاب دے سرورس تے درج ہے ۔’’سرائیکی وسیب بارے 18سو توں ودھ علمی ، ادبی ، ثقافتی ، جغرافیائی تے تاریخی معلومات‘‘ سرائیکی وسیب دے 26شہراں دی سیاسی ، تاریخی ، جغرافیائی ، مذہبی ، ثقافتی ، علمی ، ادبی ، صحافتی معلومات ایں کتاب وچ یکجا ہِن ۔ آخری صفحات وچ سرائیکی زبان و ادب بارے کجھ مزید معلومات وی درج ہن۔

احسان احمد اعواݨ سرائیکی خزانہ بارے آکھدن:

’’ علم دا مطلب ڄاݨݨ ہوندے ، اُردو اِچ معلوم دی جمع معلومات ہوندی ہے ، ادارہ جھوک دا کارنامہ اے جو جناب فیضی شجرا توں معلومات دا خزانہ جمع کرائے تے ولا کتاب دی صورت اِچ محفوظ کیتے ۔ کتاب دی اشاعت تے جھوک پبلشرز دے مالک سئیں ظہور احمد دھریجہ مبارکباد دے حقدار ہن۔‘‘

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی