سرائیکی تجارت کرن
سرائیکی وسیب دے لوک تعلیم دے نال نال تجارت آلے پاسے آوِن ، میݙے پُتر وسیب سانگے مثال ہِن او تجارت نہ کرن ہا تاں جگ وانگے ہوون ہا ۔ وسیب ءِچ تجارتی تے صنعتی ماحول بݨاوݨ دی ضرورت ہے ، جاگیردار تے گودے کوں اپݨی سوچ بدلݨی پوسے ، اونکوں میل کچیل لوکیں کوں چٹے کپڑے پواوݨے پمسن جیکر غریب دے چٹے کپڑے کوں اپݨے کپڑے دی رَت سمجھدا رہ ڳیا تاں پہلے وی وݙی تباہی تھی چکی اے ، اڳوں وسیب ایجھا تباہ تھیسے جو پَھکا نہ بچسے۔
جتھاں جاگیردارانہ سماج ہووے اُتھاں منافقت عام ہوندی اے ۔ اُستاد صاحب اے ڳالھ کریندے ہوئے آکھیا جو وݙیرے غریب تے ظلم ۔ غریب شودے ظلم سہہ ویندن حالانکہ ظالم کوں ولدا منہ تے ملے تاں ٹھیک اے ۔ الیکشن ویلے ݙو سردار یا بھتار لڑدے پے ہن ، غریب ہک دے واروں تھیندے تاں ݙوجھا منافقت کرتے غریب توں بدلے گھندے تے لُک لُک تے انتقام گھندے ۔ اُستاد قیس صاحب فرمائے:
؎ لُک لُک تے مریندا ودیں توں ݙنگ اڄݨ تئیں
آیا نہ عدوات دا تیکوں ڈھنگ اَڄݨ تئیں
حوالہ
[لکھو | ماخذ وچ تبدیلی کرو]کتاب "قیس فریدی ۔ فن شخصیت اَتے شاعری " ترتیب پیشکش : مہر حامد علی شاکر سیال ، ناشر جھوک پبلشرز ، ملتان