سرائیکی انتخابی (بی اے )
زبان دے واسطے سرائیکی دا ناں اِتنا پراݨا نہ ہوسی ، جتنی ایہہ زبان اَتے تہذیب ہے ۔ بی ۔اے دی سطح تے اسلامیہ یونیورسٹی بہاولپور تُوں بعد زکریا یونیورسٹی ملتان نصاب دی کتاب مرتب کیتی اے اَساں کوشش کیتی اے جو نصاب دی ایں کتاب کوں ہک انتھالوجی بݨاوݨ دی بجائے سرائیکی زبان و ادب دے شہ پاریاں دا ہک دلچسپ تے بامعنی انتخاب بݨا ݙیوں جہڑا ہک طرف تاں ایں خطے دی ثقافت وچ رَچیاں اعلیٰ انسانی قدراں دا جمالیاتی احساس پیدا کرے تے ݙوجھی طرف آپݨے ادبی ورثے نال تخلیقی شناسائی۔
ایں انتخاب دے بارے ساݙی ابتدائی مشاورت وچ سئیں ڈاکٹر طاہر تونسوی ، سئیں ظہور احمد دھریجہ ، سئیں عامر فہیم اَتے میڈم ڈاکٹر روبینہ ترین شامل ہَن ۔ وَل سئیں اسلم رسولپوری ، سئیں ڈاکٹراسلم انصاری ، سئیں شوکت مغل ، سئیں سجاد حیدر پرویز ، سئیں حبیب فائق اَتے سئیں ڈاکٹر قاضی عبدالرحمن دی رہنمائی ساکوں حاصل رہی ۔ پر ایندا مطلب ایہ نئیں جو جہڑے دوست آپݨی تخلیق کوں انتخاب وچ نہ ݙیکھ کے رنجیدہ تھیسن میں اُنہاں دے جذبات تے خیالات دا سامݨا کرݨ تُوں گُسویندا پیاں ۔ میں ذاتی طور تے ایں انتخاب دی ذمہ داری قبول کرینداں۔
ایں کتاب دی کمپوزنگ واسطے ایاز محمود، پروف پڑھݨ کیتے محمد اجمل مہار اَتے مختار علی شاہ چھاپݨ کیتے ملتان کتاب گھر ، ملتان دادا شکریہ ۔ سرائیکی ریسرچ سنٹر دا قیام یونیورسٹی دے سابق وائس چانسلر سئیں ڈاکٹر غلام مصطفی چودھری داتاریخی اقدام ہے جہڑا سرائیکی زبان و ادب دی تحقیق و تدریس وچ ہک وݙی پیش رفت ثابت تھیسی۔
انوار احمد
حوالہ
[لکھو | ماخذ وچ تبدیلی کرو]کتاب: سرائیکی انتخابی (بی اے) ، مدیر: انوار احمد، مرتبین: ڈاکٹر اسلم انصاری، ڈاکٹرسجاد حیدر پرویز، شوکت مغل ، پبلشرز: ملتان کتاب گھر