سرائیکی اصطلاحات

اُستاد صاحب دی ہک کتاب سرائیکی اصطلاحات دے ناں نال اَئی ہئی ، وݙے وݙے لوک ݙیکھ تے حیران تھی ڳئے ہَن ، اُستاد صاحب اپݨی لغت دا کم مغل صاحب کوں ݙتا ، میں ہک واری پُچھیا جو کتاب آئی اے تاں اُستاد صاحب آکھیا پتہ کینھی ۔ اُستاد صاحب ’’جھوک‘‘ اخبار ءِچ سیاسی قطعے لکھدے ہَن او کم وی کٹھا نی تھی سڳیا، اے کم تاں سوکھا ہے صرف اخبار توں ݙیکھ تے پنے تے اُتارݨا ہے ، اخبار دا ریکارڈ ہوسے ، اخبار ءِچ اُستاد صاحب دے مضمون وی اَمدے ہَن ، اساں تاں کھڑ ڳیوں ، سما وی نی پمدا ، نینگر اے کم کرن ۔ ڈھیر سارے لوک ایم اے سرائیکی کر ڳن ، اُستاد تاں ایم اے سرائیکی وی نہ کیتی ہئی ، ولا وی ڈھیر سارا سرائیکی دا کم کر ڳن۔

حوالہ

کتاب "قیس فریدی ۔ فن شخصیت اَتے شاعری "  ترتیب پیشکش  : مہر حامد علی شاکر سیال ، ناشر جھوک پبلشرز ، ملتان