سرائیکیاں دے زوال دی اصل وجہ

سرائیکیاں ڊے زوال ڊی اصل وجہہ!ؔ جیتھاں ماضی تے مستقبل ءچ اپنڑیں وجود سءچ زندہ رھاوݨ والی قوماں ءچ سرائیکی قوم فہرست ہے اُتھاں سستی ، آرام پرستی کما تے بہہ تے کھاوݨ قوم کو کھادی ویندی ھِ وجوھات کیا ھن ایں بارے ایں قوم نال جڑا ہر فرد جانڑدے لیکن ایں بارے نا کوئی الاوݨ دی کوشش کریندے تے نا اصلاح کریندے۔ در حقیقت جئیں ویلے کہیں خامی کوں خوبی سمجھ تے سینے نا لا گھیدا ونجے تاں قوماں تاریکیاں ءچ چلیاں ویندن، ھک ھنر مند ، امن پسند ، نڈر تے مہمان نواز قوم جئیں ویلے آرام پرستی ءچ لگ ونجے تاں جمع کیتے کُھو مُک ویندن، سرائیکیاں دی اکثریت ھک میں ءچ پھنس گئی ھِ ایں میں ءچ پسے ہووئے نامعلوم کتنے سال گزر چکے ھن لیکن جو حالات ڈسیدے پئین ایندے مطابق ہر فرڊ اپنی قوم دے مفادات تاں دور اپنڑیں ذاتی مفادات توں وی منحرف ھِ جئیں ویلے ذمہ داری گھنݨ والے اگوان ھی پچھی تے تھئی ونجن تاں ول رُلݨ مقدر بنڑدے خوشحالی ماتم منیندی ھِ ٢٠١٨ء جیتھاں نویں پاکستان دیاں گالھیں چلدیاں پئیں اساݙی قوم مزید ٤ پیر پچھی تے ٹُر گئی ھِ وݙے وݙے گالھیں کرݨ ، خواب ݙیکھاوݨ والے، سیاسی نعرے لاوݨ والے سب کَنِی کھا گئن، آکھیندن ہوا دا رُخ جئیں پاسے ہووے اُوں پاسے ھی گُݙی اُݙدی ھِ تے اِے حقیقت وی ھِ قوم دے اَگوان تے نوجوان معذرت نال مخالف سمت گڈیاں اݙاوݨ ڊی جدوجہد کیتی پئن۔ تقریبان پنجھ سال قبل میں ھک گالھ لکھی ھائی کہ سرائیکیاں کوں اپنڑیاں بنیاداں مضبوط کرݨ دی لوڑ ھِ مِل جُل تے قوم ڊے ہر فرڊ تے کم کرݨ دی لوڑ ھِ اُون ویلے بہوں اگواناں نے اے آکھیا ھا کہ سئیں سیاست ءچ مضبوط تھیسوں تاں سبھ تھئی ویسی۔۔۔۔ سبھ نے الٹی سائیڈ تے پتنگاں اُݙاوݨ دیاں کوششاں کیتیاں تے نتیجہ سبھ دے سامنڑیں ھِ سیاست ءچ ابھرݨ والے تقریبان تمام افراد اپنڑاں وڄوڊ ثابت قڊم نا رکھ سکی، ڊل کوں جھوٹی تسلیاں ݙیوݨ واسطے اَج کوئی وی بھانہ کیتا ونجے اُو صرف کوڑی تسلی ھِ اَساݙے محنت کش تاں زمین چیر تے دنیا دی خاطر اعلی قسم دا اناج پیدا کریندن، اساݙے ھنر مند اپنڑیں ھنر دے نشان دنیا ءچ چھوڑ ویندن جنہاں دا ثبوت ملتان، اوچ شریف قلعہ ڈراور ، روہی ، صادق آباد تے پاکستان دے تقریبان تمام تاریخی مقامات ھن جیتھاں سرائیکیاں دی محنتاں چیخ چیخ تے انہاں دے نا مٹݨ والے وجود کوں زندہ رکھیندن اُتھاں نویں صدی ءچ نوجوان طبقہ اج وی کہیں دی مدد کرݨ توں بھجدے تے شادی ءچ ساری رات جاگ تے جاگے منیندے تے ویلاں لٹیندے، اج وی اساݙی قوم ڊے دیہاتاںءچ شراب کباب عام ھِ ، زناء جڑ کر چکے، وٹہ سٹہ ، دھیاں کو ویچݨ دا سسٹم جڑ پکڑ چکے، چھوکرے بازی توں گھن تے چھوکری بازی، تے غرض ہر قسم ڊے نشے نال اساݙے قوم دے نوجوان زیادہ رجھان رکھیندن، برائی دی وجوھات جو ھن سو ھن لیکن نسل در نسل جہالت تے غلامی دا سلسلہ ھݨ تک قائم و دائم ھِ ماں بھینڑ ذال تے تشدد کو اولین ترجیح ݙیتی ویندی ھِ فخر سمجھا ویندے، بھیرا بھیراواں دے حق کھاوݨ ءچ پہل کریندن، غیر کیا دشمن بنڑسن اپنڑیں رشتے دار کوئی موقع نی چھوڑیندے دشمنی دا، اگر اے آکھیا ونجے کہ دشمن کوں موقع تک نی ݙیندے کہ اُو دشمنی کرے سبھ کجھ اے خود کریندن، تے فخر محسوس کریندن جو کہ درحقیقت سرائیکیاں دے زوال دی وجہہ ھِ قرآن پاک احادیث مبارک دی روشنی نال اگر تھوڑا صفحہ ہستی توں مٹ ونجݨ والیاں قوماں کوں ݙیکھوں تاں انہاں ءچ اے برایاں عام ملدن، زناء ، چھوکرے بازی، ماں ، بھینڑ ، ذالیں کوں حقارت دی نظر نال ݙیکھنڑاں، شراب نوشی، نمازاں نا پڑھݨ اے اُو وجوہات ھن جئیں وجہہ توں قوماں صفحہ ہستی توں مٹ گئیاں کیونکہ انہاں نے ابلیس دی پیروی کیتی ابلیس جئیں پاسے لایا او لگے رہ گئے قرآن پاک انسانیت دی فلاح دی خاطر اللہ رب العزت نے اپنڑیں سوہنڑیں محبوب دے ذریعے نازل فرمایا تاکہ آوݨ والیاں نسلاں عبرت حاصل کرݨ تے باز آ ونجن ۔۔۔ اللہ دے سامنڑیں سجدہ ریز تھیون تے رُو رُو تے دعا منگن نمازاں پڑھ تے اپنڑیں رب کوں راضی کرݨ ۔۔۔۔ اَج اگر اپنڑی قوم دی طرف ھک نظر دھرائی ونجے تاں ایویں لگدے کہ سرائیکیاں دے زوال دی اصل وجہہ اللہ کو راضی نا رکھݨ ھِ تمام اوھو کم اساݙی قوم ءچ تھیندے پئن جئیں بارے قرآن پاک دے احادیث مبارکہ ءچ ول ول ہٹھکیا گئے نماز جیندے نال سکون ملدے اساݙی قوم دی اکثریت نماز کوں پچھی تے رکھ چھوڑے ، کجھ جمعہ تے جمعہ نماز پڑھدن تے کجھ عیداں تے نماز پڑھدن، تے کجھ تاں عیداں تے وی سُتے پئے رھاندن۔ تے اے کھلا اعلان جنگ ھِ اساݙی قوم دا کہ اساں ایں حرکتاں نال(نعوذباللہ) اپنڑیں رب العزت کوں سرے توں تسلیم ہی نی کریندے اساݙے اعمال ایہا ݙسیندن کہ اساں ابلیس دے ہتھے چڑھے پئے ھیں۔۔۔ تے اگر ابلیس دیاں گالھیں کوں سینے نال لا تے اساں سبھ ایں پاسے لگے رھاسوں تاں اُو ݙینھ دور کینی جئیں ویلے اساݙی قوم کوں وی یاد رکھݨ والا کوئی نا ہوسی اتنا آکھیسن کہ کتنے بدعمل لوگ ھن، کتنا سوہنڑاں دور ھا، حضرت محمد مصطفی صلی اللہ علیہ و آلہ و سلم دی امت دے نال رہے لیکن روزہ نماز توں دور رہے۔ اے بہوں وݙی ملامت ھِ جیندا ضمیر زندہ ھِ اُو ایں بارے ضرور سوچے۔ انسانیت دی فلاح دی خاطر اللہ رب العزت نے قیامت تک قائم رھاوݨ والا ھک قانون نافذ کیتا، ایں کلام توں دوری ، نماز توں دوری نیک محفلاں توں دوری ، نیکی دی کماں توں دامن چھوڑا تے بھج ونجݨ ھی در حقیقت اساݙے زوال دی وجہہ ھِ ۔۔۔ ھݨ وی اگر اساں نا سمجھوں تاں وَل تیار رہوں کہ اساݙی قوم وی اللہ نا کرے دوزخ دا ایندھن ہوسی جو اسصاݙے اعمال ھن او ایہا ظاہر کریندن کہ اساں ترقی دی بجائے مزید زوال دی طرف ویندے پئے ھیں۔۔۔ میڈے سوہنڑیں نبی نے اپنڑیاں دھیاں اپنڑیں ذالیں نال پیار محبت نال پیش آوݨ دا حکم ݙیتے اپنڑیں بزرگاں نال احسن طریقے نال الاوݨ دا حکم ݙیتے چھوٹے نال محبت تے وݙے دی عزت دا درس ݙیتے ۔۔۔ اساݙی قوم ءچ کیا باقی رہ گئے؟ میکوں نی لگدا کہ جمعہ جمعہ نماز پڑھݨ والے یا صرف عید تے نماز ادا کرݨ والے مسلمان رہ گئن؟ صرف ھک کم عروج تے ھِ شادیاں کرو بال جماو تے بالاں کوں گلیاں ءچ چھوڑ ݙیو وݙے تھیسن تے ھک بال ھک اے ٹی ایم مشین بݨ ویسی ۔۔۔ کماو

لکھت وزیر احمد