سرائیکیاں دا المیہ
سمجھ نیں آندی گال کتھو شروع کراں کافی ڈینھ تھی گئین کجھ لکھنڑ تیں دل نیں کریندا پیا ہک دل آھدے وسیب دی محرومی لکھاں ڈکھ درد لکھاں منافقیں دی منافقت لکھاں یا انھیں شعراء تے ادیبیں تے سرداریں ،وڈیریں تے لعنت بھیجاں جنھیں ہک مخصوص پارٹی کنیں ذاتی مفاد گھن کے انھیں دی شان ءچ مشاعرے کیتن قصیدے پڑھئن ،یا آپڑیں قوم دی قسمت تیں ماتم کراں، صوبہ تاں کڈاھیں نیں بنڑدا اوندی وجہ ساڈے سردار ہن اوھے سردار جنھیں ساڈے سَر دار تے چڑھا کے اکتہر سال تماشہ کیتے او کلھ وی چُپ ہن اج وی چپ ہن کیونکہ انھیں دے مونھ ءچ ہر ویلھے کہیں نہ کہیں دی ڈتی ھوئ ہڈی پھس ویندی ھے.
فیسبکی دانشور جنھیں کوں مختلف قسم دے کیڑے ہن کہیں ویلھے بلوچکا کیڑا سٹ مریندے کہیں ویلھے سرائیکی کیڑا جلُول کرنڑ لگ ویندے انھیں کوں حالی اے سمجھ نیں آئ اساں سرائیکی ہیں یا بلوچ ، وسیب دی گال تھیوے ڈیڈر دے پُتر ٹپے مار مار الیسن بندہ سوچیندے انھیں جھئیاں مخلص شکر ھے ساڈا وسیب واسی ھے ، اگر بلوچیں دی گال تھیوے سب توں پہلے بلی وانگوں میاوں میاوں کریندے آئے کھڑے ہوسن یار بلوچیں نال وڈا ظلم تھیندا پئے بغیر تحقیق بغیر سوچے سمجھے بھاشن شروع کر ڈیسن ، بندہ پچھے جنھیں بلوچیں واسطے ٹاں ٹاں لئ کھڑیں او بلوچ تیکوں بلوچ منیندے ہن وائے تیکوں اجاں تئیں پاکستان نیں منیا باوجود ایں گال دے کہ تیڈے وسیب دے ہر قبرستان ءچ قبریں تیں پاکستان دا جھنڈا لگا کھڑے جنھیں کوں اکثر تیڈے بلوچیں شھید کیتے ، ہر بیڑی تے پیر رکھیے وے اج تئیں کُرلاندے ودے ھاؤ پہلے آپ کوں تاں سنجانڑو پچھیں گال کرائے. اگر بلوچ سڈویجنڑ ءچ فخر ھے اگر بلوچ لکھنڑ نال پگ اُچی تھیندی ھے اگر بلوچکی نال سرائیکی نیں رل سگدا تاں میڈی اج کنیں بلوچ ھوونڑ کنیں توبہ ھے میں سرائیکی ھاں تیں سرائیکی رھساں. ،،،،،جمیل حیدری ،،،،،