سخی امیر
سخی امیر سرائیکی زبان دا شاعر ہے۔
’’دال دے حال‘‘ دے ناں نال ہک مزاحیہ نظم لکھی ایں نظم دے کجھ شعر:
دال نماݨی ریل توں لتھی درد ونڈاون کیتے
وچہ ماڑی دے ملی میکوں یاد ݙوانون کیتے
میں وی کھٹ تے بیٹھم ایندے سر ونڄانون کیتے
کھا کھا ہُٹے مول نہ کُھٹّی ساݙے تانون کیتے
بچدی کھاساں فجر سویلے بخت اَزماون کیتے
ہک پیسے دا مل ایندا مہمان رجاون کیتے
بسم اللہ جی آئی مائی فیض ݙکھاون کیتے
دال دا ناں دلدار رکھیم دلدار رجھاون کیتے
کافی
[لکھو | ماخذ وچ تبدیلی کرو]سیاں دلدار کوں آکھو توڑے ہک وار ٻولے ہا
وفا میݙی کوں تولے ہا نہ ݙیوے روز رولے ہا
اینویں سکدی رہاں نہ میں
کلہی اصلوں ٻہاں نہ میں
جدائی پل سہاں نہ میں
ملݨ دی ڳال چولے ہا
کرے نہ خوش رقیباں کوں
بھلاوے نہ غریباں کوں
ودی روندی نصیباں کوں
اندر میݙے کوں پھولے ہا
حوالہ
[لکھو | ماخذ وچ تبدیلی کرو]کتاب: سرائیکی شاعری دا اِرتقاء، مصنف: ڈاکٹر نصراللہ خان ناصر، چھاپہ خانہ : جھوک پبلشرز ملتان