سحر زمان (فٹ بال کِھݙار)

سحر زمان (جنم: 6 دسمبر 1996) (اردو: سحر زمان) پاکستانی زنانیاں دی قومی فٹ بال ٹیم دی نمائندگی کرݨ والی ہک بین الاقوامی فٹ بال کھلاڑی ہِن۔ اوہ مڈفیلڈر دی حیثیت نال کھیݙدی ہِن۔ اوہ پاکستان زنانیاں دی قومی فٹ بال ٹیم دی رُکن ہِن۔ اَتے گلگت بلتستان نال تعلق رکھین٘دی ہِن۔

کیریئر

کلب دی سطح تے

زمان راولپنڈی دی ٹیم ینگ رائزنگ اسٹارز کِیتے کھیݙدی رہی ہِن۔ اوہ امریکی گول کیپر ہوپ سولو کوں اپݨیاں ترغیباں وچوں ہک شمار کریندی ہِن۔ انّھاں نے ہوپ سولو کوں عمل وچ ݙیکھݨ دا موقع اِیں ویلھے مِلیا جِہڑیلے ینگ رائزنگ اسٹارز کوں ریاستہائے متحدہ وچ ہک اسپورٹس اینوائے پروگرام تے 2009 وچ سݙایا ڳیا ہئی، جِہڑیلے انّھاں نے 2008 نیشنل ویمن فٹ بال چیمپئن شپ جِتی ہئی ۔ اوہ ینگ رائزنگ اسٹارز دا حصہ ہَن جیڑھی نے 2010 توں 2013 تک چار مسلسل نیشنل چیمپئن شپ ٹائٹل جِتے۔

2020 وچ، اوہ واپڈا دی ٹیم دا حصہ ہَن جیڑھی 12ویں نیشنل ویمن فٹ بال چیمپئن شپ وچ ترئے نمبر تے رہی۔ زمان کوں انّھاں دے 27 گولز کِیتے گولڈن بوٹ ایوارڈ نال نوازیا ڳیا۔ 2021 نیشنل ویمن فٹ بال چیمپئن شپ وچ، اوہ واپڈا دی ٹیم دا حصہ ہَن جیڑھی اپݨے گروپ وچ سرفہرست رہی تے کوارٹر فائنل تک پُڄی، پر ٹورنامنٹ منسوخ تھی ڳیا۔

انّھاں نے نیشنل گیمز وچ زنانیاں دے فٹ بال ایونٹ وچ ترئے سونے دے تمغے وی جِتے ہِن — ݙو پنجاب دی طرفوں تے ہک واپڈا دی طرفوں۔ 2016 قائداعظم انٹر پروونشل گیمز وچ پنجاب دی نمائندگی کریندیاں ہوئیاں، اوہ اِیں ٹیم دا حصہ ہَن جیڑھی نے چاندی دا تمغہ جِتیا ۔

بین الاقوامی

زمان نے پاکستان کِیتے اپݨا ڈیبیو 13 سال دی عمر وچ 2010 جنوبی ایشیائی کھیلاں وچ بھارت دے خلاف بنگلہ دیش وچ کِیتا ۔ اوہ 2010 SAFF ویمن چیمپئن شپ وچ کوکس بازار وچ قومی ٹیم دا وی حصہ ہَن، جِتھاں اوہ اسکواڈ دی سبھ توں گھٹ عمر دی کھلاڑی ہَن۔ انّھاں نے 2012 SAFF ویمن چیمپئن شپ توں پہلے پاکستان دے تربیتی کیمپ وچ حصہ گِھدّا تے 2014 وچ بحرین دے خلاف ترئے میچاں دی سیریز کِیتے وی اسکواڈ وچ شامل ہَن ۔ 2014 SAFF ویمن چیمپئن شپ وچ اسلام آباد وچ، زمان نے اپݨا پہلا بین الاقوامی گول اپݨی ٹیم دی 4-1 دی جِت وچ بھوٹان دے خلاف کِیتا۔

اعزاز

• نیشنل ویمن فٹ بال چیمپئن شپ: 2020، گولڈن بوٹ: 27 گول