سحرسیال
اصل ناں ثمینہ
قلمی ناں سحرؔ سیال
جٖمنْ 1967ء
جاہ پتہ تغلق روڈ ۔محلہ کوٹلہ تولے خان ملتان
غزل
[لکھو | ماخذ وچ تبدیلی کرو]او تاں رنگ محل دی جٖائی ،میں وچ گٖوٹھ اسیراں
او تاں ہیر سیال کلہوکی ،میں تاں اجٖ دی ہیراں
ہار سنگھار دا موسم ساڈٖے ویہڑے وچ نئیں ڈھکیا
گٖاہنْیاں دی کیا گٖالھ کراں میںچولا لیر کتیراں
جیڑھا میکوں اندر دے سب بھید ڈٖساوے کھل تے
میں تاں منگتی کوٹ مٹھن تے روہی دا او پیراں
سارے بٖوہے بند تھی گٖئے ہن بٖول تے اپنْی بٖولی
آن سحرؔ میں اپنْے در تے آپے تھئی فقیراں