سجاد راکب
اصل ناں سجاد سرور
قلمی ناں سجاد راکبؔ
ڄمݨ 1972ء
تعلیم بی اے
پیشہ ٹیچر
فون نمبر 0302 6845383
جاہ پتہ محلہ نور شاہ بخاری احمد پور شرقیہ (بہاولپور)
سجاد راکبؔ اردو تے سرائیکی ݙوہائیں زباناں وچ شاعری کریندن ، اردو اچ انہاندا مجموعہ کلام ’’ آدھے بادل آدھی دھوپ‘‘ چھپ چکے ، سرائیکی اچ وی ٻہوں سوہݨی شاعری کریندن، خصوصََا غزل ٻہوں خوبصورت لکھدن۔سجاد راکب ہک صلح پسند شاعر ہے ۔ ایں حوالے نال آپ دا ہک خوبصورت شعر ملاحظہ تھیوے!
؎دشمن دے ویہڑے بھیڄم کھنڈ کھیر دے کٹورے
صدیاں دی ٻلدی بھا کوں کے تئیں ہوا ݙیجے
غزل
[لکھو | ماخذ وچ تبدیلی کرو]تیݙیاں ڳالھیں باتیں کریندے ودے ہیں
زمانے کوں دشمݨ بݨیندے ودے ہیں
درختاں دے منڈھاں تے دیوانگی وچ
تیݙے ناں کوں لکھ کے مٹیندے ودے ہیں
خدا ڄاݨے ساکوں اے کیا تھی ڳیا ہے
اوندے نال خود کوں ڳولیندے ودے ہیں
کوئی یار ٻیلی نہ ساتھی نہ سنگتی
کلہیپے دی دنیا وسیندے ودے ہیں
کوئی آرزو نی اساں ول وی راکبؔ
مزاراں تے ݙیوے ٻلیندے ودے ہیں
غزل
[لکھو | ماخذ وچ تبدیلی کرو]سجھ دے وی ݙوجھے پاسے ونڄ تے ݙکھا ݙیویجے
راتیں ودھا ڈیوٖیجن ، ݙینہ کوں گھٹا ݙیویجے
دشمن دے در تے بھیڄم کھنڈ کھیر دے کٹورے
صدیاں دی ٻلدی بھا کوں کے تئیں ہوا ݙیوجے
اوں شہر شیشہ گردیاں کیا کیا مثالاں ݙیواں
پھرداں تاں دل اے آہدے خود کوں ونڄا ݙیویجے
دامن اُلٹ تے جیڑھا تندوں کھنڈیندا رہوے
اوں بے ادب کوں یارو دستار کیا ݙیویجے
ہتھ تے ستارے رکھ تے ، اکھیں تے ہونٹھ چم تے
اوں بے وفا توں ہُݨ تاں سب کجھ وتا ݙیویجے
آدل دے آسوں پاسوں راکبؔ خدا کوں ڳولوں
اِتھ تاں پچھانویں ݙسدن کیکوں صدا ݙیویجے
٭٭٭