سبھدرہ کماری چوہان

سبھدرہ کماری چوہان
معلومات شخصیت
پیدائش	16 اگست 1904ء   پریاگ راج ضلع
وفات	15 فروری 1948ء (44 سال)  سیونی، مدھیہ پردیش
طرز وفات	حادثاتی موت
شہریت	بھارت برطانوی ہند (–14 اگست 1947) ڈومنین بھارت
عملی زندگی
پیشہ	شاعرہ ،  مصنفہ
پیشہ ورانہ زبان	ہندی

سبھدرہ کماری چوہان 16 اگست 1904 کوں پیدا تھئیں تے 15 فروری 1948 کوں ایں فانی دنیا توں رخصت تھی ڳئیں۔ اوہ ہک ہندوستانی شاعرہ ہئیں۔ انّھاں دی ہک مشہور نظم "جھانسی دی رانی" ہئی (جھانسی دی بہادر ملکہ دے بارے وچ)۔

ابتدائی زندگی

اوہ اتر پردیش دے الہ آباد ضلع دے نہال پور گاؤں وچ پیدا تھئیں۔ ابتدائی طور تے انّھاں نے الہ آباد دے کروسٹ وائٹ گرلز اسکول وچ تعلیم حاصل کیتی تے سن 1919 وچ مڈل اسکول دا امتحان پاس کیتا۔ ایں سال کھنڈوا دے ٹھاکر لکشمن سنگھ چوہان دے نال انّھاں دی شادی تھئی۔ جیندے بعد، اوہ سی پی وچ جوبل پور (موجودہ جبل پور) چلی ڳئیں۔

کنبہ

انّھاں نے 1919ء وچ کھنڈوا دے ٹھاکر لکشمن سنگھ چوہان نال شادی کیتی جݙݨ جو اوہ سولہ سال دی ہئیں جیندے نال انّھاں دے پنج بچے پیدا تھئے۔

کیریئر

1921 وچ، سبھدرہ کماری چوہان تے انّھاں دے شوہر مہاتما گاندھی دی عدم تعاون دی تحریک وچ شامل تھئے۔ ناگپور وچ عدالت وچ گرفتاری ݙیوݨ والی اوہ پہلی زنانی ستیہ گرہی ہئیں جنّھاں کوں 1923 تے 1942 وچ برطانوی حکمرانی دے خلاف احتجاج وچ ملوث تھیوݨ تے ݙو وار جیل بھیڄ ݙتا ڳیا ہئی۔

تحریری کیریئر

چوہان نے ہندی شاعری وچ متعدد مشہور تصنیفات تصنیف کیتیاں ہِن۔ انّھاں دی سبھ توں مشہور کمپوزیشن جھانسی دی رانی ہئی، جو جذباتی طور تے ٻہوں پراثر نظم ہئی جو رانی لکشمی بائی دی زندگی کوں بیان کریندی ہئی۔ ایہ نظم ہندی ادب وچ سبھ توں زیادہ سنائی ون٘ڄݨ والیاں نظماں وچوں ہک ہئی۔ جھانسی (برطانوی ہندوستان) دی رانی دی زندگی تے ایندے سن 1857 دے انقلاب وچ حصہ گھدݨ دی جذباتی طور تے ہک وضاحت، ایہ نظم اکثر ہندوستان دے اسکولاں وچ پڑھائی ویندی ہئی۔

موت

1948ء وچ سیونی ایم پی دے نیڑے کار حادثے وچ انّھاں دی موت تھی ڳئی۔ ایں وقت دے سی پی دے دار الحکومت ناگپور توں جبل پور واپس ویندیں پئیں ہئیں، جتھاں اوہ اسمبلی اجلاس وچ شرکت کِیتے ڳئی ہئیں۔ اوہ ریاست دی قانون ساز اسمبلی دی رکن ہئیں۔