سبو لکشمی

سبو لکشمی
(تمل : மதுரை சண்முகவடிவு சுப்புலட்சுமி)
معلومات شخصیت
ڄمݨ	16 ستمبر 1916ء   مدورائے
وفات	11 دسمبر 2004ء (88 سال)  چنئی
شہریت	برطانوی ہند (–14 اگست 1947) بھارت (26 جنوری 1950–) ڈومنین بھارت (15 اگست 1947–26 جنوری 1950)
عملی زندگی
پیشہ	گلو کارہ ،  فلم اداکارہ
پیشہ ورانہ زبان	تمل ،  گجراتی
اعزازات
بھارت رتن   (1998)  پدم وبھوشن   (1975) رامن میگ سیسے انعام   (1974) سنگیت ناٹک اکادمی ایوارڈ   (1956)  پدم بھوشن   (1954)
دستخط
	IMDB پر صفحہ

ایم ایس سبو لکشمی بھارت دی ہک مشہور کلاسیکی موسیقار ہن۔ اوہ کرناٹک موسیقی دی عظیم ڳائیکہ ہن تے انہاں کوں بھارت دی بلبل دے طور تے سنڄاتا ویندا ہے۔ سبو لکشمی نے اپݨی آواز دے جادو نال نہ صرف بھارت بلکہ پوری دنیا وچ اپݨا ناں بݨایا۔

ابتدائی زندگی

سبُّالکشمی 16 ستمبر 1916ء کوں مدورائی، تمل ناڈو وچ پیدا تھئی۔ انہاں دے پیو دا ناں شَنْمُکھَوَڈو تے ماء دا ناں مادُورائی اَمّال تھیا۔ انہاں دے گھر وچ موسیقی دا ماحول ہئی، کیوں جو انہاں دی ماء وی ہک مشہور وینا نواز ہن۔ سبُّالکشمی نے بچپن وچ ہی موسیقی دی تعلیم شروع کر ݙتی تے اپݨی ماء توں موسیقی سکھݨ دا آغاز کیتا۔ سکول وچ استادیں دی مار پٹائی دے سبب انہاں نے بچپݨ وچ ہی تعلیم ترک کر ݙتی، لیکن موسیقی دے شعبے وچ انہاں دی دلچسپی برقرار رہی۔

موسیقی

سبُّالکشمی نے ݙاہ سال دی عمر وچ پہلی وار اسٹیج تے پرفارم کیتا تے اپݨی آواز دے جادو نال سب کوں متاثر کیتا۔ انہاں نے کرناٹک موسیقی وچ اپݨی مہارت کوں نکھاریا تے اپݨی آواز دے ذریعے لوکاں دے دل وچ جاہ بݨا ڳھدی۔ انہاں دی آواز وچ بلا دی تاثیر ہئی تے اوہ اپݨے ڳائیکی دے ذریعے روح کوں چھکیندی ۔

مہاتما گاندھی نال تعلق

ملک دی آزادی دی جدوجہد دے دوران، سبُّالکشمی نے مہاتما گاندھی دے سامݨے انہاں دا پسندیدہ بھجن "ویشنو جانتو تیرے کہیئے، پیر پرائے جانے رے" ڳایا۔ ایں گیت کوں سݨݨ دے بعد گاندھی جی دیاں اکھییں وچ ہنجوآ ڳئے۔ گاندھی جی نےآ کھیا کہ "گیت ڳاوݨ الڳ ڳالھ ہے، لیکن آواز وچ خدا دے تصورات دی جھلکیاں ݙکھاوݨ بالکل الڳ ہے۔" گاندھی جی اکثر سبُّالکشمی توں بھجن سݨݨ دی فرمائش کریندے ہن۔

فلمی زندگی

سبُّالکشمی نے تامل زبان دی کئی فلماں وچ وی کم کیتا۔ انہاں دی فلم "میرا" ہندی زبان وچ وی ریلیز تھئی۔ انہاں نے فلمی دنیا وچ وی اپݨی آواز دے ذریعے لوکاں کوں متاثر کیتا۔

اعزازات تے ایوارڈز

سبُّالکشمی کوں اپݨی زندگی وچ ڳݨتی توں زیادہ اعزازات تے ایوارڈز نال نوازیا ڳیا۔ انہاں کوں 1996ء وچ بھارت دا سب توں وݙا سویلین ایوارڈ "بھارت رتنا" ݙتا ڳیا۔ انہاں کوں چنائی دی میوزک اکیڈمی دا معتبر اعزاز "سنگیتا کلا ندھی" وی ݙتا ڳیا۔ سبُّالکشمی اوہ پہلی زنانی ہن جنہاں کوں ایہ اعزاز حاصل تھیا۔

اقوام متحدہ وچ پرفارمنس

سبُّالکشمی نے اقوام متحدہ وچ وی اپݨے گیت پیش کیتے تے اپݨی آواز دے ذریعے پوری دنیا وچ بھارت دا ناں روشن کیتا۔

وفات

سبُّالکشمی دا انتقال 11 دسمبر 2004ء کوں چنئی وچ تھیا۔ انہاں دی موسیقی تے آواز دا جادو اڄ وی لوکیں دے دل تے راج کریندا ہے۔ انہاں کوں بھارت دی بلبل دے طور تے ہمیشہ یاد رکھیا ویسی۔