سبطین خان

سبطین خان 30 اگست 1958ء کوں میانوالی وِچ ڄمے اتے 1982ء وِچ پنجاب یونیورسٹی توں پولیٹیکل سائنس وِچ ایم اے دی ڈگری حاصل کیتی۔انہاں 1990ء وِچ آزاد حیثیت نال پنجاب اسمبلی دی نشست جِیتی اتے 1990ء توں 1993ء تئیں صوبائی وزیر جیل خانہ جات طور تے خدمات انجام ݙِتیاں۔ 2002ء وِچ اُوہ مسلم لیگ (ق) دے ٹکٹ تے ولا منتخب تھئے اتے 2003ء توں 2007ء تئیں صوبائی وزیر برائے معدنیات و معدنی ترقی رَہے۔ 2013ء اتے 2018ء دے عام انتخابات وِچ انہاں پاکستان تحریک انصاف (پی ٹی آئی) دے امیدوار طور تے کامیابی حاصل کیتی اتے 2018ء وِچ اُنھاں کوں صوبائی وزیر برائے جنگلات، جنگلی حیات اتے ماہی پروری مقرر کیتا ڳیا، تاہم جون 2019ء وِچ بدعنوانی دے الزام وِچ گرفتاری دے بعد اُنھاں کوں اِس عہدے توں ہٹا ݙتا ڳیا لیکن جنوری 2020ء وِچ اُوہ ولا اینہہ عہدے تے بحال تھئے۔ 27 جولائی 2022ء کوں پی ٹی آئی نے انہاں کوں پنجاب اسمبلی دے سپیکر دے عہدے کیتے نامزد کیتا اتے 29 جولائی 2022ء کوں اُوہ 185 ووٹ حاصل کر تے سپیکر منتخب تھئے۔