ساݙی مترائی ٻولی

اڄ میں انٹرنیٹ تے کجھ ضروری مواد لبھیندا ودا ہم تے میݙی نظر ایں ویبسائٹ تے پئی ھِ تاں میکوں اے ڈیکھ کے ٻہوں خوشی تھئی ھِ جو ساݙی ماء ٻولی کوں وی ایک پلیٹ فارم مل گئے۔ سرائیکی بلاشبہ دنیا دی قدیم ترین زباناں وچوں ہک ہے تے اے جہڑے خطے دی زبان ھِ جہڑا جو ہر دور دے وچ علم و فن دا مرکز ہا۔ اے اوں خطے دی زبان ہے جتھا اسلام تو پہلے بدھ مت دا راج ہا۔ اتھائیں ہندو مدہب دا دیوتا جیکو جو نرسمھا آدھن اوندی پیدائش تھئء ہئی۔ اے ہندو تے آریا قوم دی اوں ویلے دی ٻولی ہے جݙاں اے لوک عروج وچ ہن۔ وت سوچݨ دی ڳالھ اے ھِ جو ایں زبان کوں او عروج نئیں ملیا جہڑا جو ویندیاں جڑواں زباناں کوں ملیے۔ ایندی وݙی وجہ ہے ہے جو ساݙے سرائیکی بھرا احساس کمتری دا شکار ہن انہاں اپنڑی زبان کوں او سمان نی ݙتا جو ݙوجھیا ٻولیاں کو ملیے۔ ایندی سب تو وݙی مثال ہے جو ونڈ دے ویلے ہزاراں ہندو جہڑے جو ملتانی ٻولیندے ہن ماسواۓ کجھ لوکیں دے انہاں ایں ٻولی کو چھوڑ کے اتھوں دیاں مقامی ٻولیاں کو اپنا گیدھ ے۔ ݙوجھے پاسوں پاکستان وچ وی کئی لوک مختلف وجوہات دی بنیاد تے ایں ٻولی کوں چھوڑ ڳئن۔ اللہ بھلا کرے ایں صدی دے سرائیکی دانشوراں، ادیباں، شاعراں تے سوشل میڈیا انفلوئینسرز دا جنہاں نے موجودہ دور وچ ایں زبان ماء ٻولی کیتے ٻہوں ودھیا کم کیتے تے کریندے پن۔