ساݙا دریا نال تعلق

ساݙے سرائیکی وسیب دی رڳ رڳ وچ دریاواں دا پاݨی رچیا ہویا اے۔ ایہ دریا ساݙی دھرتی دی حیاتی ہن۔ انہاں دریاواں دی وجہ توں ساݙی دھرتی زرخیز اے تے ساݙے لوکاں دی زندگی خوشحال اے۔ پر افسوس دی ڳالھ اے کہ اڄ اساں آپݨے دریاواں دی قدر نئیں کریندے۔ اساں انہاں دریاواں کوں گندا کریندے پیو ۔ انھاں وچ زہریلے کیمیکل سٹیندے پیئو ۔ انھاں دے کنارے غیر قانونی عمارتاں بݨیندے پئے ہئیں۔

یکم اپریل دا ݙینھ ساݙے کیتے ہِک موقع ہِے کہ اساں آپݨے دریاواں نال آپݨی محبت دا اظہار کروں۔ اساں انھاں دریاواں کوں پھُل پیش کروں تے انھاں دے پاݨی کوں صاف رکھݨ دا وعدہ کروں۔ اساں انھاں دریاواں دے کنارے درخت رہاوݨ دا وعدہ کروں تے انھاں دے کنارے غیر قانونی عمارتاں بݨاوݨ توں بچݨ دا وعدہ کروں۔

دریا ساݙی زندگی دا حصہ ہن۔ انھاں کوں بچاوݨا ساݙا فرض اے۔ ساکوں اے رل تے عہد کرݨا پوسی کہ اساں آپݨے دریاواں کوں صاف رکھیسوں اتے انھاں دی حفاظت کریسوں۔

دریا نال رشتہ:

دریا ساݙے وسیب دی ثقافت دا حصہ ہن۔ ساݙے لوکاں دی زندگی انھاں دریاواں نال جُڑی ہوئی اے۔ دریا ساݙے کیتے صرف پاݨی دا ذریعہ نئیں، بلکہ اے ساݙی شناخت ہن ساݙی پہچاݨ ہن۔ ساݙے لوکاں دے ڳاوݨ ، ساݙے لوکاں دیاں کہاݨیاں، ساݙے لوکاں دی شاعری، سبھ دریاواں دے پاݨی وانگوں وڳدی رہندن اے تے ہمیشہ وہندی رہسی.

اساکوں آپݨے دریاواں نال آپݨا رشتہ مضبوط کرݨا پوسی ۔ اساکوں انہاں دریاواں دی قدر کرݨی پوسی تے انہاں دی حفاظت کرݨی پوسی اے میݙے سرائیکستان دے ہر بندے تے فرض تھیندے جو او آپݨی اوݨ الی نسلاں کیتے ایہ دریا محفوظ رکھݨ واسطے ہک عہد کرے.

لکھت شان سرائیکی