ساڈے حکمران ساڈا ملک ساڈی جمہوریت

پچھلے ڈینہ میں وزیراعظم صاحب دی تقریر سنڑدا پیا ھم. جیندے وچ خطاب فرمیندے پے ہن جو اساں پاکستان کو ترقی آلے پاسے گدی ویندوں. کجھ لوگ ساڈی ایں پروگریس توں جیلس تھیندے پن تے ساڈی راہ وچ رکاوٹیں دا بحث بنڑدے پن. یعنی عمران خان میکوں سمجھ نی آمدی جو اے عوام کو کیا سمجھدے ہن. جو اساں اندھے ھوں یا پاگل ھوں لیکن بالکل ٹھیک سمجھدے ہن اساں واقعی ہی اندھے پاگل تے بے وقوف ھوں. ساڈے ماس کوں نوچ تے اے لوگ اپنڑے عالی شان محل تعمیر کریندے ہن. لکھنڑ بہوں کجھ چاہنداں پر لمبی پوسٹ پڑھنڑ دا ساڈے کول ٹائم کینی ہوندا.

المختصر جیڑهی ترقی دی گال وزیراعظم صاحب کریندے پے ہن تساکوں میں اوندے کنوں کجھ آشنا کر ڈیواں. 2017 دی ہک سروے دے مطابق سماجی ترقی یافتہ ملک دی لسٹ تیار کیتی گئ ھے جیندے وچ 133 ممالک شامل کیتے گن. ایندے وچ پاکستان دا نمبر 113 ھے یعنی 112 ملک ساڈے توں بہتر ہن اور صرف 20 ملک ساڈے توں تلے ہن سماجی تے عوامی ترقی وچ. بئی ہک سروے وچ دنیا دے 199 ممالک دے پاسپورٹ دی لسٹ بنڑائی گئی ھے جیندے وچ پاکستان دا نمبر 198 ھے یعنی ساڈے توں زیادہ گندہ تے مشکوک پاسپورٹ صرف ہک ملک دا ھے او ھے افغانستان. باقی 197 ملک ساڈے توں بہتر پوزیشن وچ ہن.

لیبیا، نائجیریا، ایتھوپیا، بنگلہ دیش تے شام جے ملک وی ساڈے توں بہتر ہن. شرم کنوں مر ونجے بندہ ایں ترقی یافتہ ملک ایٹمی پاور کنوں. ھا ترقی وزیراعظم صاحب دی ذاتی مالیت وچ بے پناہ تھئی ھے. اساں ٹیکس ڈے ڈے کے مرنڑ آلے تھی گیوں ساڈے ملک دا حال اے ھے ایزی لوڈ سو دا کریندوں 75 روپے ساکوں ملدن یعنی 25 روپے ساڈے ٹیکس وچ گے جڈاں کہ کنکشن کمپنیاں کنوں علیحدہ ٹیکس وصول کریندے پن. ایویں کیڑھی کیڑھی مثال ڈیواں. گھی توں لا تے ماچس تک اساں ٹیکس ڈے تے گھندوں پر ساڈے حکمران ساڈا ملک ساڈی جمہوریت. (رفیق احمد تائب)