ساویتری (اداکارہ)

ساویتری (اداکارہ)
(تیلگو : సావిత్రి)
معلومات شخصیت
ڄم	6 دسمبر 1935ء   گنٹور ضلع
وفات	26 دسمبر 1981ء (46 سال)  چنئی
وجہ وفات	نشے دی زیادتی
شہریت	بھارت (26 جنوری 1950–) برطانوی ہند (–14 اگست 1947) ڈومنین بھارت (15 اگست 1947–26 جنوری 1950)
شریک حیات	جیمنی گنیشن (1955–1981)
عملی زندگی
پیشہ	فلمی ہدایت کارہ ،  ادکارہ ،  فلم ساز
ماء ٻولی	تیلگو
پیشہ ورانہ زبان	ہندی ،  ملیالم ،  تیلگو
اعزازات
صدر جمہوریہ ایوارڈ
	IMDB پر صفحہ

ساویتری ہک بھارتی فلمی اداکارہ، پس پردہ گلوکارہ، ہدایتکار تے پروڈیوسر ہن۔ اوہ بنیادی طور تے تیلگو زبان دی فلماں وچ اداکاری کریندی ہن، ساتھ ہی انہاں نے تمل، کنڑ، ملیالم تے ہندی زبان دی فلماں وچ وی کم کیتا۔ 1960ء دے ݙہاکے توں انہاں کوں تیلگو فلم انڈسٹری وچ منجھی ہوئی اداکارہ دے طور تے ڄاݨیا ویندا ہے۔ ساوتری کوں پہلا اہم کردار 1952ء دی تیلگو فلم "پیللی چیسی چونڈو" وچ ملیا۔ 1960ء وچ تیلگو فلم "چیِوراکو مائیجیلدی" کیتے انہاں دی کارکردگی نے انہاں کوں صدر جمہوریہ ایوارڈ (راشٹرپتی ایوارڈ) نال نوازیا۔ 1968ء وچ، انہاں نے ہدایت کاری دی دنیا وچ قدم رکھیا تے تیلگو فلم "چنیاری پپّو" دی تشکیل تے ہدایات کیتیاں، جیندے کیتے انہاں کوں ریاست دا نندی اعزاز برائے بہترین فیچر فلم (سلور) نال نوازا ڳیا۔

ساویتری نے 1952ء دی تیلگو فلم "پیللی چیسی چونڈو" وچ اہم کردار ادا کیتا۔ ساویتری دی کامیاب فلماں وچ "پٹالہ بھاروی" (1951ء)، "دیوداسو" (1953ء)، "ڈونگا رامڈو" (1955ء)، "مایا بازار" (1957ء) تے "نارتناسالا" (1963ء) شامل ہن۔ فلم "دیوداسو" دا انڈیا انٹرنیشنل فلم فیسٹیول وچ خصوصی ذکر تھیا ہئی۔ فلم "نارتاناسالہ" کوں جکارتہ وچ افریقی ایشین فلمی میلے وچ شامل کیتا ڳیا ہئی۔

ذاتی زندگی

ساوتری 4 جنوری 1936ء کوں بھارتی ریاست آندھرا پردیش دے ضلع گنٹور، مدراس پریزیڈنسی دے شہر تینالی دے نیڑے قصبہ چِراورو وچ پیدا تھئی۔ جݙاں ساوتری چھی مہینے دی ہن، تاں انہاں دے پیو دی وفات تھی ڳئی، جیندے بعد انہاں دی ماء نے سوویتری تے ہک وݙے بھرا ماروتی کوں ہک چاچی تے چاچا دے نال رہوݨ کیتے بھیڄ ݙتا۔ انہاں دے چاچا کامریڈی وینکٹ رمیا چوہدری نے بچپݨ ہی توں ساوتری دے شوق کوں ݙیکھدے ہوئیں انہاں کوں رقص دے اسکول وچ داخلہ ݙے ݙتا۔ ساوتری نے 1952ء وچ 16 سال دی عمر وچ تامل فلم اداکارہ جیمنی گنیش نال شادی کیتی، جیندے نال اوہ پہلی واری 1948ء وچ ملی ہن۔ ایں شادی دی وجہ توں ساوتری دے چاچا نے انہاں نال مستقل ناراضی اختیار کر ڳھدی، کیونکہ گنیش پہلے ہی شادی کر چکیے ہن، انہاں دے چار دھیریں ہن تے ہک اداکارہ پشپاولی دے نال انہاں دے معاشقے دی خبراں وی گردش وچ ہن۔ ایں شادی توں ساوتری دے ݙو اولاداں تھیاں ، ہک دھی وجیا چامنڈیشوری تے ہک پتر ستیش کمار ہئی۔

فلمی کیرئیر

ساوتری نے اداکاری دی ابتدا اسٹیج ڈراما وچ رقص نال کیتی، جیندے وچ کانگارا جگیاہیہ تھیٹر کمپنی دے نال کجھ کم وی شامل ہئی۔ ساوتری نے 12 سال دی عمر وچ فلم دا کم کرݨ کیتے مدراس دا سفر کیتا پر انہاں کوں ناکامی دا سامݨا تھیا۔ 1949ء وچ انہاں کوں تیلگو فلم "اگنی پریکشا" وچ ہک کردار آفر تھیا پر بعد وچ ایہ آکھ کے منع کر ݙتا ڳیا جو انہاں دی عمر اڄݨ ٻہوںڳھٹ ہے۔ 1950ء وچ فلم "سنسارم" وچ انہاں کوں فلم دے مرکزی کردار کیتے چݨا ڳیا، پر پہلی واری کیمرے دا سامݨا کرݨ وچ انہاں کوں درشواری پیش آئی تے ٻہوں سارے ری ٹیک دے بعد آخر وچ ایہ کردار اداکارہ لکشمی کیتھام کوں ݙے ݙتا ڳیا۔ ایں فلم وچ انہاں کوں محض ہک نکا جیہا کردار ݙتا ڳیا۔ اڳلے سال وی انہاں نے ݙو فلماں "روپاوتی" تے "پاتال بھیروی" وچ مختصر کردار ادا کیتے۔ 1952ء وچ ساوتری کوں پہلا اہم کردار تیلگو فلم "پیللی چیسی چونڈو" وچ ملیا، جیہڑا تمل زبان وچ "کلیانم پنّپ پار" توں بݨی ہئی۔ ایہ فلم انتہائی کامیاب رہی تے ولا ساوتری نے پچھاں مڑ کے نہ ݙٹھا۔ اوہ ترائے ݙہاکے تک تیلگو تے تمل فلم انڈسٹری تے چھائی رہی۔ ساوتری نے بالی ووڈ دی کجھ ہندی فلماں وچ وی اداکاری کیتی، جنہاں وچ مدھوبالا دے نال فلم "بہت دن ہوئے"، منوج کمار دے نال فلم "گھر بساکر دیکھو" تے "اپنے ہوئے پرائے"، دھرمیندر دے نال فلم "گنگا کی لہریں" تے "بلرام سری کرشن" تے "امردیپ" شامل ہن۔

وفات

ساوتری 19 مہینے کیتے کوما وچ رہوݨ دے بعد 26 دسمبر 1981ء کوں 45 سال دی عمر وچ انتقال کر ڳئی۔اوہ کئی سالیں توں شراب دی لت وچ مبتلا ہن، جیہڑی 1969ء وچ حد توں ودھ ڳئی ہئی، نال ہی انہاں کوں ذیابیطس تے ہائی بلڈ پریشر دی بیماری وی ہئی۔ 2011ء وچ، حکومت ہند نے ساوتری دی یاد وچ ڈاک ٹکٹ جاری کیتا ہئی۔

اعزاز

2018ء وچ ساوتری دی زندگی تے تیلگو زبان وچ فلم "مہانٹی" بݨائی ڳئی ہے۔ جیندا ناں تمل زبان وچ "نادیگایر تھلگام" ہے۔ ایں فلم دے ہدایت کار ناگ آشون ہن۔ ایں فلم وچ ساوتری دا کردار اداکارہ کیرتی سریش تے جیمنی کنیش دا کردار ملیالم اداکار ذوالقر سلیمان نے ادا کیتا ہے۔ ایں فلم دے ٻئے اداکاراں وچ سامنتھا اکنینی، وجے دیورکونڈا، رجیندر پرساد، پرکاش راج تے مالویکا نائر شامل ہن، ناگا چیتنیا، موہن بابو، نریش نے خصوصی کردار ادا کیتے ہن۔