سانچہ:اڄ دی ڳال

اویں تاں ساری بھوئیں تے جِتھ جِتھ بندے ماݨس دا پیرا پُڄے اوں اُتھائیں پاند پیڑھی ودھا تے وَسیوں چا بݨائی پر اڳلی پیڑھیاں وت اڳوہاں پندھ کریندے کئی ٻئی دھرتیاں دے واسی ونڄ بݨِے۔ اڄ سرائیکی دھرتی دے حقوق دی ڳالھ کرݨ آلے وی ݙو، چار، ست پیڑھیاں پِچھوں ایویں اپݨا تل چھوڑ تے اتھاں سرائیکی دھرتی دے نویں وسیندڑ اݨ تھئے ہوسِن۔ تہوں ڄئیں وی تَل وطنی، دھرتی ماء دا ڄایا سݙوائے اوں پہلے بھوئیں دے وسݨ آلے لوکاں نال رل دھرتی دے حقوق دی جنگ لڑتے نویں پیڑھیاں دا بیج اپݨے پیار پریت تے اعتبار دا وہائے۔