سانول سلوݨے

عبدالباسط بھٹی خاکہ نگاری وچ اپݨیاں ݙو لکھتاں ’’سانولے سلوݨے‘‘ تے ’’ݙکھ ݙول‘‘ ناول نمایاں شناخت حاصل کیتی ہے ، پر انہاندی پہلی پچھاݨ اے مختصر سفرنامہ ہے جیڑھا احمد پور شرقیہ توں گھن تے چولستان وچ چنݨ پیر دے میلے تک 3ݙینہہ تے 2راتیں دے سفر دا حال ہے ۔ زبان و بیان دی خوبی ، ثقافتی حوالیاں دا بھر پور استعمال تے وسیبی محبت دے شعور پاروں اہم ادبی مقام رکھدے تے نصاب وچ شامل ہے ۔

احسان اعواݨ لکھدن جو

’’باسط بھٹی دی شاندار کتاب سامݨے اَئی اے ۔ سفرنامے دے پنج ابواب ہن ۔ پہلیاں چار پوڑیاں دے عنوانات نال ماضی دا احوال تے سفر دی روداد ہے ۔ آخری باب منزل وچ منزل تے پُڄݨ تے رہݨ دا ذکر ہے ۔ کتاب تے ممتاز عاصم تبصرہ کیتے ۔ اے سفرنامہ پہلی واری خان پور توں چھپیا ہئی۔باسط بھٹی دے نال نال ادارہ جھوک تے جھوک دے مالک ظہور احمد دھریجہ مبارکباد دے حقدار ہن۔

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی