سالک سودھوی

اصل ناں      سکندر حیات

قلمی ناں       سالکؔ سودھوی

جمن             1963ء

تعلیم            میٹرک

پیشہ             گورنمنٹ سروس

فون نمبر           ۔۔۔۔۔۔۔۔

جاہ پتہ           ہر دو سودھی ،ڈاکخانہ خاص تحصیل و ضلع خوشاب

شعری مجموعہ’’ سوچ سمندر‘‘دے خالق سالک سودھوی 13مئی1963ء کوں حاجی ملک منصب دار خان دے گھر بمقام ہر دو سودھی زیرین ضلع خوشاب اچ پیدا تھئے۔میٹرک تک تعلیم حاصل کیتی ،شعر و شاعری دا شوق سکول دے زمانے کولوں ہا ۔جڈاں جو مشورہئِ سخن محمد حیات بھٹی توں گھندے رہ گئے۔سالک سودھوی وادیِ سون دا اوہ شاعر ہے جیڑھا سرائیکی شاعری دیاں تقریباََ تمام مروجہ اصناف اچ شاعری کریندے۔آپ دی ہک غزل بطور نمونہ حاضر ہے۔

(1) غزل

کن گئے مہر محبتاں والے سجناں نال وصال دے موسم

ہُن تے بالکل رُٹھے رہندن ساتھوں سارے سال دے موسم

نفسا نفسی دا ہے عالم کون  سنے ہُن دکھڑے  میرے

ہر تھاں نفرت بغض عداوت ، چھا گئے پیار دے کال دے موسم

بدلے جگ دے طور طریقے ،من کوں مول نہ بھانون یارو!

ساکوں اوہی چنگے ہن جو گزرے ساگ تے دال دے موسم

دیپک ،جوگ تے سندھڑا ٹر گئے ،چھا گئے ہن اج ڈسکو گانے

آنون ول ول یاد اساکوں او مٹھڑے سُر تال دے موسم

ٹر گئے ہن دلدار دلاں دے ،ول نئیں جدھروں ولدا کوئی

رب جانے کِنج یار گزرسی، آگئے اوکھی جال دے  موسم

ڈُکھ دے ناں توں واقف ناسے ،ڈکھ کی ہوندن کتھ رہندے نے

سالکؔ اکھیں ویکھن آہے خُشیاں دی ہڑتال دے موسم

__________________________

برائی دے وچ ہاں اساں سب توں اگے

خدایا جو ہن ول وی احسان تیرے

٭٭٭