سارہ محبوب خان

سارہ محبوب خان (پیدائش: 9 فروری 1991، راولپنڈی) ہک پاکستانی ٹینس کھلاڑی ہِن۔

فیڈ کپ وِچ پاکستان دی جانب توں کھیڈدیاں ہوئیاں، سارہ خان دی جیت ہار دا تناسب 2–8 ہِے۔

کَم کار آلی حیاتی

سارہ محبوب خان راولپنڈی، پاکستان وِچ پیدا تھئیں۔ انّھاں دے والد محبوب خان ٹینس کوچ ہِن۔ 2004ء وِچ سارہ محبوب نے 14 سال دی عمر وِچ قومی چیمپئن شپ وِچ حصہ گِھدّا تے اِیں ٹورنامنٹ کوں جِت گِھدّا۔ ایویں اوہ پاکستان دی سبھ توں گھٹ عمر (14 سال دی عمر وِچ) چیمپئن بݨ ڳئی۔

سارہ 2005ء توں پاکستان وِچ ٹینس دی دنیا دی معروف تے مقبول کھلاڑی رہیاں ہِن۔ سارہ واحد کھلاڑی ہِن جنّھاں نے مٹی (کلے)، سخت (ہارڈ) تے گھاس (گراس) تے ٹینس مقابلیں وِچ حصہ گِھدّا تے قومی درجہ بندی دے خواتین ریکارڈ تعداد وِچ سنگلز مقابلے جِتے۔

اکتوبر 2010ء وِچ سارہ محبوب پاکستان توں ٻاہر آئی ٹی ایف ٹورنامنٹ کِیتے کوالیفائی کرݨ والی پہلی خاتون ٹینس کھلاڑی بݨ ڳئی۔ تے کہیں وی آئی ٹی ایف ٹورنامنٹ دے کوارٹر فائنل وِچ پُڄݨ والی خاتون ٹینس کھلاڑی ہَن تے عین سکھنہ، مصر وِچ "ارینہ کونسٹنٹینائیڈ" دے نال ڈبلز وِچ اِیں کامیابی حاصل کِیتی۔

مئی 2011ء وِچ سارہ محبوب نے نیو میکسیکو یونیورسٹی دی ٹینس ٹیم کِیتے کھیڈݨ دے معاہدے تے دستخط کِیتے۔

ایں ٹیم وِچ اوہ چنگی کارکردگی دا مظاہرہ نہ کر سڳیاں۔ اپݨے اِیں ناقص سال دے بعد خان نے ورجینیا وِچ جیمز میڈیسن یونیورسٹی کِیتے ٹینس کھیڈݨا شروع کِیتا۔ اِیں یونیورسٹی دی طرف توں سارہ نے چار سال ٹینس کھیڈیا۔ مئی 2015ء وِچ انّھاں نے اپݨی گریجویشن مکمل کِیتی۔ گریجویشن دی تکمیل دے بعد اوہ پاکستان واپس چلی ڳئی۔