سارہ علی خان

سارہ علی خان
سارہ علی خان 2019ء
معلومات شخصیت
ڄم	(1995-08-12) 12 اگست 1995 ممبئی، مہاراشٹر، بھارت
شہریت	بھارت
قد	1.63 میٹر
ماء پیو	سیف علی خان امریتا سنگھ
پیو	سیف علی خان
ماء	امریتا سنگھ
بھرا	تیمور علی خان
عملی زندگی
مادر علمی	کولمبیا یونیورسٹی
پیشہ	اداکارہ
دور فعالیت	2018 – تاحال
	IMDB پر صفحہ

سارہ علی خان (12 اگست 1995ء) ہک ہندوستانی اداکارہ ہن جیہڑی ہندی زبان دی فلماں وچ کم کریندی ہے۔ سارہ پٹودی خاندان وچ پیدا تھئی، اوہ اداکار امریتا سنگھ تے سیف علی خان دی دھی تے منصور علی خان پٹودی تے شرمیلا ٹیگور دی پوہتری ہن۔

کولمبیا یونیورسٹی توں فارغ التحصیل تھیوݨ دے بعد، سارہ علی نے 2018ء دی فلماں "کیدارناتھ" تے "سمبا" وچ مرکزی خاتون دا کردار ادا کرکے اداکاری دا آغاز کیتا۔ ݙوہیں فلماں تجارتی لحاظ نال کامیاب رہیاں تے سارہ نے فلم فیئر اعزاز برائے بہترین نویں اداکارہ حاصل کیتا۔ اوہ 2019ء دی فوربز انڈیا دی مشہور شخصیت 100 دی فہرست وچ شامل تھئین۔

سارہ علی کوں بچپن توں اداکارہ بݨݨ دی خواہش ہئی۔ پر اوہ عزم مصمم دے نال اپݨے پیو تے سکی ماء توں طلاق شدگی تے کرینا کپور نال ݙوجھی شادی دے بعد اداکارہ بݨݨ دا فیصلہ کر ڳھدا۔ ماء امریتا سنگھ دی کوششاں نال ابھیشیک بچن دی فلم "کیدارناتھ" وچ پہلا موقع ملا تے ایندے بعد ݙوجھی فلم "سیمبا" وچ رنویر سنگھ دے مقابل کاسٹ تھئی۔ ݙوہیں فلماں دسمبر 2018ء وچ جاری تھیاں۔

ابتدائی زندگی تے پس منظر

سارہ علی خان 12 اگست 1995ء کوں ممبئی وچ سیف علی خان، منصور علی خان پٹودی تے شرمیلا ٹیگور دے پتر تے امریتا سنگھ، سوشلائٹ رخسانہ سلطانہ دی دھی ہن، انہاں دے کولوں پیدا تھئ۔ سیف علی خان تے امریتا سنگھ ݙوہیں ہندی فلم انڈسٹری وچ اداکار ہن۔اوہ افتخار علی خان پٹودی تے ساجدہ سلطان دی پوہتری تے سوہا علی خان تے صبا علی خان دی بھتریجی وی ہن۔سارہ دا ہک نکا بھرا ابراہیم ہے۔انہاں دا مترایا بھرا تیمور ہے جیہڑا کرینہ کپور نال ݙوجھی شادی دے بعد سیف دا پتر ہے۔خان اپݨے پیو دی طرف بنیادی طور تے پشتون تے بنگالی نژاد ہن تے ماء دی طرف توں پنجابی نژاد ہن۔سارہ بطور مسلم پیدا تھئی ہن۔