سارہ بنت مشہور آل سعود
| ||||
|---|---|---|---|---|
| معلومات شخصیت | ||||
| پیدائش | سنہ 1983ء (عمر 41–42 سال) | |||
| شہریت |  سعودی عرب | |||
| شریک حیات | محمد بن سلمان آل سعود (2008–) | |||
| والد | مشہور بن عبدالعزیز آل سعود | |||
| خاندان | آل سعود | |||
درستی - ترمیم  | ||||
سارہ بنت مشہور آل سعود (عربی: سارة بنت مشهور آل سعود) سعودی شاہی خاندان دی رکن ہئی۔ اوہ شاہ عبد العزیز دی پوتی ہئی۔ انّھاں دی شادی اپݨے سوتیلے کزن ولی عہد شہزادہ محمد بن سلمان نال تھئی ہئی، جو شاہ سلمان دے پُتر تے وارث ہن۔
حیاتی دا احوال
[لکھو | ماخذ وچ تبدیلی کرو]سارہ بنت مشہور، مشہور بن عبدالعزیز آل سعود تے نورا بنت محمد سعود الکبیر دی دھی ہئی[١]۔ اوں دے پیو شاہ عبد العزیز تے نوف بنت نواف بن نوری الشعلان دے پُتر ہن۔[٢] اوں دی ماں نورا، محمد بن سعود الکبیر دی دھی تے نورہ بنت عبد الرحمان آل سعود تے سعود الکبیر دی پوتی ہئی۔
شہزادی سارہ نے 6 اپریل 2008ء کوں شہزادہ محمد نال شادی کیتی۔ انّھاں دے پنج ٻال ہن، ترے پُتر تے ݙو ڄائیاں: شہزادہ سلمان، شہزادہ مشہور، شہزادی فہدہ، شہزادی نورا تے شہزادہ عبد العزیز (ڄَمَّݨ اپریل 2021ء)۔
پہلے چار دے ناں انّھاں دے دادا دادی دے ناں تے رکھے ڳئے ہن تے پنجویں دا ناں سعودی عرب دے بانی، انّھاں دے پردادا شاہ عبد العزیز دے ناں تے رکھا ڳیا ہئی۔
انسٹی ٹیوٹ برائے خلیجی امور دے علی الاحمد دے مطابق آل سعود خاندان دے گمنام ذرائع دی بنیاد تے ݙسایا ڳیا ہئی جو شہزادی سارہ اپݨی شادی دے ابتدائی ݙینہاں توں ہی گھریلو تشدد دا شکار ہئی۔ ہک برطانوی شہری مارک ینگ، جیڑھے 15 سال تک سعودی حکمران خاندان دے اعلیٰ عہدیاں کِیتے رائل پروٹیکشن آفیسر دے طور تے کم کیتا، نے سارہ دی مار پیٹ تے اسپتال وِچ داخل تھیوݨ دی اطلاعات دی تصدیق کیتی۔ انسٹی ٹیوٹ برائے خلیجی امور دے نال ہک انٹرویو وِچ ینگ نے آکھیا جو اوہ سارہ تے ایم بی ایس دی ماں فہدہ توں اپݨے کم دے ذریعے ملے۔ ینگ تے خالد دے مطابق سارہ بن سلمان کوں طلاق ݙیوݨ چاہندی ہئی پر انّھاں دی ماں نے اوں نال ڳالھ مہاڑ کر ݙتی۔ ینگ نے "سعودی باڈی گارڈ" دے عنوان نال ہک کتاب وِچ سعودی حکمران خاندان دی حفاظت دے اپݨے تجربے کوں تفصیل نال بیان کیتا[٣]۔
حوالے
[لکھو | ماخذ وچ تبدیلی کرو]- ↑ https://web.archive.org/web/20180130082403/https://arabdigest.org/visitors/sample-newsletters/the-future-of-the-middle-east/
- ↑ حوالے دی غلطی: The opening
<ref>tag is malformed or has a bad name - ↑ Ali Al Ahmed (16 مارچ 2018)۔ "Reports of Saudi Crown Prince's Domestic Violence Emerge"۔ The Institute for Gulf Affairs۔ اخذ شدہ بتاریخ 2021-05-14