ساحر جلال پوری

اصل ناں       اسماعیل ذبیح اللہ

قلمی ناں      ساحر جلال پوری

ڄمݨ           1981ء

تعلیم           ایم اے (اردو)

پیشہ            درس و تدریس

فون نمبر        0300 8863884

جاہ پتہ         زکریا ٹاؤن ملتان

ساحر جلال پوری دا اصل تعلق موضع عمر پور ،جلال پور پیر والا نال ہے ۔ فی الحال اوہ ملازمت دے سلسلے وچ ملتان رہندے پئین ۔ ساحر کوں شعر و شاعری دا شوق کالج دے زمانے توں تھیا ۔جݙاں جو انہاں ملتان دے معروف شاعر و ادیب تے افسانہ نگار حضرت نور احمد غازی (مرحوم ) دی شاگردی اختیار کیتی ۔ شاعری دے نال نال مطالعہ تے مضمون نویسی ساحر دے دلچسپ مشاغل ہن ۔ نمونہ کلام۔

غزل

اتھاں دل لڳی دی اجازت تاں کائنی

محبت ہے جذبہ تجارت تاں کائنی

ݙکھاں کوں بھلاوݨ دی خاطر میں پینداں

شراباں دے پیوݨ دی عادت تاں کائنی

گزردن ݙیہاڑے بڑی مشکلاں وچ

اے زخمی ہے دل میکوں راحت تاں کائنی

محبت بھرے میݙے دل کوں تَیں تروڑا

تیݙی سنگ دلی ہے شرافت تاں کائنی

میں قربان ساحرؔ کراں زندگی کوں

محبت ہے میݙی عبادت تاں کائنی