ساجدہ شاہ
ساجدہ شاہ دی پیدائش 25 جون 1988ء کوں تھئی۔ اوہ حیدرآباد سندھ پاکستان وچ پیدا تھئی۔ اوہ ہک پاکستانی کرکٹ کھݙاری ہے۔ اوہ سڄے ہتھ دی بلے باز اتے آف اسپن بولر ہے۔ اوہ پاکستان دی قومی خواتین دی کرکٹ ٹیم کیتے ݙو ٹیسٹ اتے 42 ہک روزہ بین الاقوامی میچ کھیݙ چکی ہے۔
کرکٹ کیریئر
[لکھو | ماخذ وچ تبدیلی کرو]ساجدہ شاہ 23 جولائی 2000ء کوں آئرلینڈ دے خلاف ون ڈے انٹرنیشنل وچ پاکستان کیتے پہلی واری کھیݙی۔ جݙاں ایندی عمر صرف ٻارہاں سال ہئی ۔ایں دورے تے اوں چار ون ڈے میچ کھیݙے اتے اپݨا پہلا ٹیسٹ میچ وی کھیݙیا جیہڑا اڄاں تائیں آئرلینڈ دیاں زنانیاں دا واحد ٹیسٹ میچ ہے۔ 2001ء وچ اوں کراچی وچ ہالینڈ دے خلاف ست ون ڈے میچ کھیݙے اتے 2002ء وچ سری لنکا وچ سری لنکا دے خلاف چھ ون ڈے میچ کھیݙے۔ ایندے بعد 2003ء انہاں دے کیریئر دا بہترین ویلا ہئی۔ 2003ء وچ ہالینڈ وچ تھیوݨ آلی آئی ڈبلیو سی سی ٹرافی وچ، اوہ پاکستان دے پنجیں میچاں وچ کھیݙی جاپان دے خلاف پہلے میچ وچ، اوہ صرف چار رنز ݙے تے ست وکٹاں گھن تے جاپانی بیٹنگ لائن اپ نال ٹکرا ڳئی۔ اے ٹورنامنٹ وچ باؤلنگ دا بہترین مظاہرہ ہئی اتے اے زنانیاں دی ون ڈے کرکٹ دی تاریخ وچ باؤلنگ دی شاندار کارکردگی ہے۔ اوں مجموعی طور تے ٻارہاں وکٹاں حاصل کیتیاں اتے اوہ ٹورنامنٹ وچ سب توں ودھ وکٹاں ڳھنݨ آلی کھݙاری ہئی۔ اوہ زنانیاں دی ون ڈے تاریخ وچ (15 سال اتے 168 ݙینہہ دی عمر وچ) پنج وکٹاں حاصل کرݨ آلی سب توں نکی عمر دی ویمن کرکٹ کھݙاری وی ہے۔ ول اگلے سال، ویسٹ انڈیز پاکستان دا دورہ کیتا اتے ساجدہ ست ون ڈے اتے انہاں دے خلاف ہک ٹیسٹ میچ کھیݙی۔ اوہ ٹیسٹ میچ انہاں دا (اتے پاکستان دا) آخری ٹیسٹ میچ ہے اوں ویلے توں، اوہ جنوبی افریقہ دے خلاف ݙو ایشیا کپ ٹورنامنٹ اتے پنج ون ڈے میچاں وچ کھیݙ چکی ہے۔) [١]
ٻیا ݙیکھو
[لکھو | ماخذ وچ تبدیلی کرو]- خواتین کی کرکٹ
- خواتین کی ٹیسٹ کرکٹ
- پاکستان قومی خواتین کرکٹ ٹیم
- پاکستانی خواتین ٹیسٹ کرکٹ کھلاڑیوں کی فہرست
- خواتین ایک روزہ بین الاقوامی
- فہرست پاکستان خواتین ایک روزہ کرکٹ کھلاڑی
حوالہ جات
[لکھو | ماخذ وچ تبدیلی کرو]- ↑ Women's Test matches played by Sajjida Shah at Cricket Archive