ساجدؔ درانی
اصل ناں محمد ساجد
قلمی ناں ساجدؔ درانی
جمن 1954ء
تعلیم ۔۔۔۔۔۔
پیشہ ۔۔۔۔۔۔
فون نمبر 03027774811
جاہ پتہ محلہ قریش آباد احمد پور شرقیہ
ساجد درانی دی غزل اچ رومینس پاتا ویندے لیکن اوہ محبوب دے لب و رخسار دی تعریف دے نال نال معاشرتی تے سماجی حالات تے وی گہری نظر رکھدے ،اوہ معاشرے وچ پاتیاں ونجن آلیاں فرسودہ روایات دا قائل کائنی اوہ اپنے شعراں دے ذریعے انہاں رسومات دی تردید کریندے۔ایں حوالے نال آپ دا ہک شعر توجہ طلب ہے۔
ساجد میں جہان کوں کیویں کراں قبول
ہر شخص میکوں قیدی نظردے رواج دا
_____________________
سماجی بد دیانتی تے چور بازاری دا ہک بیا نمونہ ڈیکھو!
کھیر وچ پانی وی ڈہدا ہاں جو رلدا ویندے
وقت دے نال تیڈا رنگ بدلدا ویندے
______________________
(1) غزل
[لکھو | ماخذ وچ تبدیلی کرو]رُخ توں ہٹایاں زلفاں جو اوں نے خمار وچ
ڈیکھن دے ڈا دا حسن ہا مینہ دی پھنوار وچ
میں اوکوں ڈہداں ریہاں ہر گل دے روپ وچ
اوں حسن دے خزانے لٹائے بہار وچ
کیویں اے اکھیں کھول کے بھالے تساڈی راہ
ہُن حوصلہ او کینی تساڈے بیمار وچ
حالت میڈی تے لوک ہُن طعنے مریندے ہن
ول وی میں مست رہنداہاں تیڈے خمار وچ
ایں رُت نے اُلٹا سینے دیوچ بھا ہے لاتی
ساجدؔ توں لنگھ تاں آویں ہا فصل بہار وچ