سائنس دیاں لڑیاں دی تندیر
ہیٹھ درج تندیر سائنس دے عمومی جائزے تے موضوعاتی سجھاوݨی دے طور تے پیش کیتی ڳئی ہے۔ سائنس (لاطینی لفظ "سائنٹیا" توں ہے، جیندے معنی "علم" ہن) ہک منظم پیشہ ورانہ کوشش ہے جیڑھی قابل آزمائش وضاحتاں تے پیشین گوئیاں دی صورت وچ کائنات دے بارے وچ علم کوں مرتب تے منظم کریندی ہے۔
سائنس دیاں لڑیاں، جنہاں کوں سائنسی شعبے، سائنسی علوم یا صرف سائنس وی آکھیا ویندے، کوں ترائے وݙے تھوکاں وچ تقسیم کیتا ونڄ سڳدے:
1. طبعی سائنس (حیاتیات، کیمسٹری، طبیعیات، فلکیات، تے زمینی سائنس)، جنہاں وچ وسیع ترین معنیاں وچ فطرت دی پڑھت کیتی ویندی ہے۔ 2. سماجی سائنس (جیویں نفسیات، سماجیات، معاشیات، تاریخ)، جنہاں وچ لوکاں تے وسبیاں دی پڑھت کیتی ویندی ہے۔ اتے 3. رسمی سائنس (جیویں ریاضی، منطق، نظریاتی کمپیوٹر سائنس)، جنہاں وچ تجریدی تصورات دی پڑھت کیتی ویندی ہے ۔ ایہو جیہے سائنسی علم جنہاں وچ سائنس دا استعمال کیتا ویندے، جیویں انجینئرنگ تے طب، کوں "اپلائیڈ سائنسز" دے طور تے بیان کیتا ویندے۔