سائرہ افضل تارڑ

سائرہ افضل تارڑ
مناصب
رکن چوݙھویں قومی اسمبلی پاکستان
رکنیت سنہ 1 جون 2013
حلقہ انتخاب	حلقہ این اے۔102
پارلیمانی مدت	چودہویں قومی اسمبلی
معلومات شخصیت
پیدائش	7 جون 1966ء (59 سال)  حافظ آباد
شہریت	پاکستان
جماعت	پاکستان مسلم لیگ (ن)
عملی حیاتی
مادر علمی	جامعہ پنجاب
پیشہ	سیاست دان
مادری زبان	اردو
پیشہ ورانہ زبان	اردو

سائرہ افضل تارڑ (اردو: سائرہ افضل تارڑ، کنوں) (جنم: 7 جون 1966ء) ہِک پاکستانی سیاست دان زنانی ہِن۔

ابتدائی حیاتی

سائرہ افضل 7 جون 1966ء کوں پنجاب دے حافظ آباد وِچ ڄَمّی ہَن۔

سیاسی حیاتی

جنھاں نے اگست 2017ء توں مئی 2018ء تئیں عباسی کابینہ وِچ نیشنل ہیلتھ سروسز ریگولیشن اینڈ کوآرڈینیشن دی وزیر دے طور تے خدمات انجام ݙِتیاں۔ 2013ء توں 2017ء تئیں نیشنل ہیلتھ سروسز ریگولیشن اینڈ کوآرڈینیشن دی وزیر رہ چکی ہِن۔ پاکستان مسلم لیگ (نواز) دی رہنما، انّھاں 2008ء توں مئی 2018ء تئیں پاکستان دی قومی اسمبلی دی رکن رہ چکی ہِن۔

انّھاں 2008 دے پاکستانی عام انتخابات وِچ حلقہ این اے 102 (حافظ آباد-I) توں پاکستان مسلم لیگ (ن) (پی ایم ایل-این) دی اُمیدوار دے طور تے پاکستان دی قومی اسمبلی دے لیے منتخب تھئی ہَئی۔

انّھاں 2013 دے پاکستانی عام انتخابات وِچ حلقہ NA-102 (حافظ آباد-I) توں مسلم لیگ ن دی اُمیدوار دے طور تے دوبارہ قومی اسمبلی دے لیے منتخب تھئی ہَئی۔

جون 2013ء وِچ انّھاں کوں وزیر اعظم نواز شریف دی کابینہ وِچ وزیر مملکت برائے صحت مقرر کِیتا ڳیا۔ انّھاں نے جولائی 2017ء وِچ وزارتی عہدہ سنبھالݨا چھوڑ ݙِتا ہئی، جݙݨ پاناما پیپرز کیس دے فیصلے دے بعد اُوہ وقت دے وزیر اعظم نواز شریف دی نااہلی دے بعد وفاقی کابینہ کوں توڑ ݙِتا ڳیا ہئی۔

اگست 2017ء وِچ شاہد خاقان عباسی دے پاکستان دے وزیر اعظم منتخب تھیوݨ دے بعد، انّھاں کوں عباسی دی وفاقی کابینہ وِچ شامل کِیتا ڳیا۔ انّھاں کوں نیشنل ہیلتھ سروسز ریگولیشن اینڈ کوآرڈینیشن دی وفاقی وزیر مقرر کِیتا ڳیا۔ 31 مئی 2018ء کوں قومی اسمبلی دی مدت ختم تھیوݨ تے تحلیل تھیوݨ دے بعد، انّھاں نے وفاقی وزیر برائے نیشنل ہیلتھ سروسز ریگولیشن اینڈ کوآرڈینیشن دا عہدہ چھوڑ ݙِتا۔ مارچ 2018ء وِچ، انّھاں کوں پاکستان دے صدر ممنون حسین دی طرفوں انّھاں دی عوامی خدمات دے لیے ستارہ امتیاز نال نوازیا ڳیا۔