سئیݨ رضوانہ تبسم درانی دے افسانیاں دا مجموعہ
سئیݨ رضوانہ تبسم درانی دے افسانیاں دا اے مجموعہ اُنھاں دی سرائیکی وسیب دے نال محبت اِتھوں دی تریمتیں دے ݙکھ درد تے مشکلات تے وَت ہلکے پھلکے رومانس جیڑھے جو ایں قدرتی آب و ہوا تے معصوم ماحول اِچ جنم گھندے۔
اے افسانوی مجموعہ محترمہ درانی دی دانشمندانہ ،شاعرانہ تے ادیبانہ تخیل تے صلاحیتیں دا ثبوت ہے۔
اللہ سوہݨاں اُنھاں کوں مزید ترقی دی منزلاں تے ٹورے۔آمین
شخصیت : ادبی تے سماجی خدمات
جاپانی مصنف ہائیکو کوں پاکستان اِچ متعارف کرواوݨ آلے ڈاکٹرمحمد امین پہلے پاکستانی ہِن ۔ ایویں ہی پاکستان اِچ ہی ایں صنف کوں سرائیکو دے ناں نال متعارف کرواوݨ آلی رضوانہ تبسم درانی پہلی خاتون ہِن۔
جنھاں دی پیدائش ڈیرہ غازی خان دی ہے ، اُنھاں اُتھوں دے ہک باعزت تے پڑھی لکھی فیملی اِچ جم گھدا۔
ایم اے اُردو ، ایم اے سرائیکی دے نال نال ایم فل وی ہِن۔ اپݨیاں کئی کتاباں تے گیتاں تے ایوارڈ وصول کر چکین۔
اُنھاں دیاں مزید تصنیفات
(1) چیݨاں چیݨاں ونگ
(2) کونج چنہاں دی
(3) محبت جستجو ہے (اُردو ایوارڈ یافتہ مجموعہ)
(4) تبسم دے ݙوہڑے
(5) ٻانہ اِچ ٻدّھے ڳانے
ایندے علاوہ ݙو اُردو ناول تے ݙو سرائیکی تے مجموعے تے ہک اُردو افسانیاں دا مجموعہ زیر طبع ہن۔
ایندے علاوہ اُنھاں دیاں ٻہوں ساریاں سماجی خدمات کیتے ہک اَنج کتاب دی ضرورت ہے۔
اللہ سوہݨاں اُنھاں کوں مزید ترقیاں ݙیوے ۔(آمین)
ناہید لودھی
حوالہ
[لکھو | ماخذ وچ تبدیلی کرو]کتاب: سُکے پتراں دا ݙُسکار، رضوانہ تبسم درانی ، چھپیندڑ: جھوک پبلشرز ملتان