سئیںﷺ بِن ساݙا کون

امان اللہ ارشدؔ دیاں ڈھیر کتاباں چھپن، ساریں کتابیں دے شروع اِچ حمد تے نعت ہے ۔ توڑیں جو آپ کوں آپ نِیں اَکھوینداپر امان اللہ ارشدؔ درویش تے صوفی شاعر اے۔ جئیں ویلے میں سنگتیں اِچ ڳالھ کریندا ہَم تاں سنگتی ہاں ناں اِچ وَلدی نہ ݙیندے ہَن پر ’’دھمال‘‘ اَئی تاں دِل کوں خوشی تھئی جو میں غلط نئیں آکھیا ۔اے ڳالھ وی کیتی ونڄے جووسیب دے نعت خواں ارشدؔ دا نعتیہ کلام سِک نال پڑھدن،نعت خوانیں میں توں کئی واری نعتیہ مجموعے دے بارے پچھیے ،ایں کتاب دے آوݨ نال ہک ضرورت پوری تھئی اے ۔ سِک رکھݨ آلیں کوںکتاب مِل ویسے تے سرائیکی دے دینی ادب اِچ سوہݨا وادھا وی تھی ویسے ۔

حوالہ

ظہور احمد دھریجہ دی سرائیکی ادبی خدمات دا جائزہ (مقالہ نگار: شائستہ ظہور،بہاء الدین زکریا یونیورسٹی ملتان)  نگران مقالہ: ڈاکٹر محمد ممتاز خان کلیانی