زینت امان

زینت امان
(انگریزی : Zeenat Aman)
معلومات شخصیت
ڄمݨ	19 نومبر 1951ء (74 سال)  ممبئی
شہریت	بھارت
شریک حیات	سنجے خان (1978–1979) مظہر خان (1985–1998)
عملی زندگی
مادر علمی	جامعہ جنوبی کیلیفونیا سینٹ زیوئرس کالج، ممبئی
پیشہ	ادکارہ ،  ماڈل ،  شریک مقابلہ حسن ،  فلم اداکارہ
پیشہ ورانہ زبان	ہندی
کارہائے نمایاں	ہرے راما ہرے کرشنا ،  یادوں کی بارات ،  ستم شیوم سندرم (1978ء فلم) ،  ڈان ،  دی گریٹ گیمبلر ،  قربانی (فلم)
اعزازات
فلم فیئر اعزاز   ایفا حاصل زیست اعزاز
	IMDB پر صفحہ

زینت امانہک بھارتی فلمی اداکارہ تے ماڈل ہن، جنہاں دا فلمی کیرئیر 50 سال توں زیادہ دا ہے۔ انہاں کوں ݙو فلم فیئر ایوارڈز تے ہک بی ایف جے اے ایوارڈ ملیا ہے۔ 19 سال دی عمر وچ انہاں کوں ماڈلنگ توں پہچاݨ ملی تے انہاں نے مقابلہ حسن وچ شرکت کیتی تے 1970ء وچ مس انڈیا فیمینا تے مس پیسفک ایشیا دے مقابلے جیتے۔

1970ء وچ انہاں نے اداکاری دا آغاز فلم دا ایول ودھن نال کیتا تے 1971ء وچ فلم ہلچل وچ کم کیتا۔ فلم ہرے راما ہرے کرشنا وچ انہاں کوں بہترین معاون اداکارہ دا فلم فیئر ایوارڈ ملیا۔ 2004ء وچ انہاں نے تھیٹر وچ کم کرݨ دا آغاز کیتا تے ممبئی وچ گریجویٹ اسٹیج ڈرامے وچ کم کیتا۔

ذاتی زندگی

زینت امان 19 نومبر 1951ء کوں ممبئی وچ پیدا تھئی، انہاں دا پیدائشی ناں زینت خان ہئی۔ زینت دے پیو مسلمان تے ماء ہندو ہن۔ زینت اداکار رضا مراد تے مراد دی بھتریجی ہن۔ زینت دے پیو امان اللہ خان فلم مغل اعظم تے پاکیزہ جیہاں فلماں دے لکھاری ہن، انہاں دا قلمی ناں امان ہئی، جیہڑا زینت نے فلمیں وچ کم کرݨ کیتے آخری ناں دے طور تے استعمال کیتا۔ پنج سال دی عمر وچ زینت دے ماء پیو وچ طلاق تھی ڳئی ہئی۔ 13 سال دی عمر وچ زینت دے پیو دا انتقال تھی ڳیا۔ زینت نے پنگ گنی وچ سکول دی تعلیم حاصل کیتی تے لاس اینجلس وچ یونیورسٹی آف سدرن کیلیفورنیا وچ پڑھائی کیتی، پر تعلیم مکمل نہ کر سڳی۔

1978ء وچ زینت امان نے اداکار سنجے خان نال شادی کیتی، جیہڑے پہلے توں شادی شدہ تے چار ٻالیں دے پیوہن۔ ایہ شادی 1979ء وچ منسوخ تھی ڳئی، جݙݨ سنجے خان نے انہاں کوں ماریاتے جسمانی تشدد کیتا۔ ایہ واقعہ عبد اللہ دی شوٹنگ دے بعد تھیا، جݙݨ زینت بی آر چوپڑہ دی فلم انصاف کا ترازو دی شوٹنگ کر یندی ہن۔ سنجے خان نے انہاں کوں فون کرکے عبد اللہ دے ہک خاص سین دی شوٹنگ کیتے سݙایا ، پر زینت نے انصاف کا ترازو دی شوٹنگ دے سبب انکار کر ݙتا۔ ایہ سݨ کیں سنجے خان غصے وچ آ ڳئے تے انہاں کوں ہوٹل وچ سݙوا کے ماریاجیندے نتیجے وچ زینت دی سڄی اکھ تے زخم آ ڳئے۔ ایں واقعے نے زینت کوں سخت صدمہ پہنچایا تے بعد وچ انہاں نے ایں واقعے کوں نظرانداز کرݨ دی کوشش کیتی۔

1985ء وچ زینت امان نے اداکار مظہر خان نال شادی کیتی تے 1998ء وچ انہاں دی موت تک شادی شدہ رہی۔ مظہر دے نال انہاں دے ݙو پتر ہن: اذان خان،ہک فلم ڈائریکٹر جنہاں نے فلم بینکسٹر دی ہدایت کاری کیتی،تے موسیقار زاہان خان۔ ایہ خاندان ممبئی وچ رہندا ہے۔

زینت امان ہندوستانی سنیما دی ہک معروف تے ہنر مند اداکارہ ہن، جنہاں نے اپݨے کم تے سماجی سرگرمیاں نال صنعت وچ ہک خاص مقام حاصل کیتا ہے۔