زینب عباس

زینب عباس
معلومات شخصیت
پیدائش	14 فروری 1989ء (36 سال)  لاہور
شہریت	پاکستان
عملی حیاتی
پیشہ	ٹیلی ویژن میزبان ،  کھیل مبصر ،  میک اپ آرٹسٹ

زینب عباس دی پیدائش 14 فروری 1989ء کوں تھئی۔ اوہ ہک پاکستانی ٹیلی ویژن میزبان تے میک اپ آرٹسٹ ہن۔

ذاتی حیاتی اَتے تعلیم

زینب عباس ناصر عباس تے سیاست دان عندلیب عباس دے گھر، لاہور وِچ پیدا تھئیاں۔ انّھاں دے والد فیصل آباد تے حافظ آباد کرکٹ ٹیماں وِچ باؤلر دے طور تے کھیݙدے ہَن، جبکہ انّھاں دی والدہ پاکستان تحریک انصاف دی سینئر ممبر ہن، جو زنانیاں کِیتے مخصوص نشست تے پاکستان دی قومی اسمبلی کِیتے منتخب تھئیاں ہن۔ انّھاں کوں وفاقی پارلیمانی سیکرٹری برائے امور خارجہ مقرر کِیتا ڳیا ہئی۔ زینب عباس نے انگلینڈ توں مارکیٹنگ تے حکمت عملی وِچ ایم بی اے دی ڈگری حاصل کیتی۔ نومبر 2019ء وِچ، زینب عباس نے لاہور وِچ حمزہ کاردار نال شادی کیتی۔ حمزہ کاردار سابق وزیر خزانہ تے اسٹیٹ بینک آف پاکستان دے سابق گورنر، شاہد حفیظ کاردار دے صاحبزادے تے پاکستان کرکٹ ٹیم دے پہلے کپتان عبد الحفیظ کاردار دے پوتے ہن۔

پیشہ ورانہ حیاتی

زینب عباس نے 2015ء تک اپݨے اسٹوڈیو دے نال میک اپ آرٹسٹ دی حیثیت نال کم کِیتا۔ انّھاں نے سبھ توں پہلے ورلڈ کپ کرکٹ پروگرام کِیتے آڈیشن ݙتا تے اِیں طرح کرکٹ تے تبصرے دے ذریعے اپݨے کیریئر دا آغاز کِیتا۔ انّھاں نے پاکستان دے آزاد خبرنامے ڈان تے دنیا نیوز کِیتے کھیݙاں دے تبصرے وی لکھے ہن۔ زینب عباس ویب گاہ ٹاک شو "ساول کرکٹ کا" دے علاوہ دنیا نیوز تے اسپورٹس پروگرام "کرکٹ دیوانگی" دی میزبانی وی کر چُکیاں ہن۔ 2019ء وِچ، زینب عباس انٹرنیشنل کرکٹ کونسل دے کرکٹ ورلڈ کپ وِچ پہلی پاکستانی زنانی پیش کنندہ بݨ ڳئیاں۔

تنازعات

زینب عباس اپݨے کیریئر وِچ کجھ تنازعات وِچ وی مبتلا رہیاں ہن، جو عام طور تے انّھاں دے سوشل میڈیا تے آف فیلڈ کھلاڑیاں دے نال تھیوݨ والی ڳالھ مہاڑ نال متعلق ہن۔ نومبر 2018ء وِچ، زینب عباس نے پاکستانی بین الاقوامی کرکٹ کھلاڑی بابر اعظم کوں ٹویٹ کر تے اپݨی پہلی ٹیسٹ سنچری تے مبارکباد ݙتی: "اچھی طرح کھیݙا - مکی آرتھر کوں 'بیٹے' دی سنچری تے مبارکباد ݙیندیاں ہاں۔" بابر اعظم نے اِیندا جواب ݙیندے ہوئے آکھیا: "کجھ آکھݨ توں پہلے سوچو تے اپݨیاں حدود کوں عبور کرݨ دی کوشش نہ کرو!!!"۔ سوشل میڈیا تے لوکاں دی رائے مختلف تے متنازع رہی، کجھ کھیݙاں دے شوقین افراد نے اِیہ دعویٰ کر تے زینب عباس دا دفاع کِیتا جو اوہ کوچ دے طور تے مکی آرتھر دی تعریف کریندیاں پئیاں ہن۔ کجھ لوکاں نے اِیہ آکھیا جو زینب عباس غیر ذمہ دار ہن۔