زہرا اشراقی

زہرا اشراقی
معلومات شخصیت
پیدائش	1 جنوری 1964ء (61 سال)  تہران
شہریت	ایران
شریک حیات	محمد رضا خاتمی
عملی زندگی
پیشہ	سیاست دان ،  بلاگ نویس ،  کارکن انسانی حقوق ،  حقوق نسوان کی کارکن

زہرا اشراقی خمینی (فارسی: زهرا اشراقی) (ڄَمَّݨ: 1964ء) ہک ایرانی کارکن تے سابق سرکاری اہلکار ہِن جیڑھیاں حقوق زنانیاں تے انسانی حقوق تے یقین رکھیندیاں ہِن۔

ابتدائی زندگی تے تعلیم

اشراقی 1964ء وِچ ڄَمّیاں ہَن۔ اوہ آیت اللہ خمینی دی پوتی ہِن تے فلسفے دی گریجویٹ ہِن۔

نظریات

زہرا اشراقی چاہندیاں ہِن جو سر تے اسکارف پَہݨݨ ہُݨ لازمی نہ رہوے۔ اُنّھاں دا خیال ہِے جو: "اساݙا (ایران دا) آئین ہُݨ وی آہدے جو مَرد مالک ہِے تے زنانی ہک وفادار بیوی ہِے جیڑھی آپݨے خاندان کِیتے خود کوں قربان کریندی ہِے۔ پر اِتّھاں دا معاشرہ بدل ڳیا ہِے، خاص طور تے پِچھلے 10 سالاں وِچ۔ جے میݙے دادا ہُݨ اِتّھاں ہوندے تاں مین٘دے اتے یقین ہِے جو اُنّھاں دے خیالات ٻہوں مختلف ہوندے۔"

اُنّھاں نے اِیہ وی آکھیا جو "میݙے دادا نے جو آئین منظور کِیتا ہِے اوہ آہدے جو صرف ہک مَرد ای صدر تھی سڳدے۔۔۔ اساں اِیں لفظ کوں 'مَرد' توں 'کوئی وی' وِچ تبدیل کرݨ چاہسوں۔ پر اِتّھاں امتیازی سلوک صرف آئین وِچ کائنی۔ ہک زنانی دے طور تے، جے میں مُلک چھوڑݨ کِیتے پاسپورٹ حاصل کرݨ چاہساں، سرجری کرواوݨ چاہساں، اِتّھاں تک جو تقریباً ساہ گِھنݨ کِیتے وی، میکوں آپݨے شوہر توں اجازت گِھنݨی پوسی۔"

ذاتی زندگی

1983ء وِچ، اشراقی نے محمد رضا خاتمی نال شادی کیتی، جیڑھے اسلامی ایران پارٹیسیپیشن فرنٹ دے سابق سربراہ، ایران دی اہم اصلاح پسند جماعت تے سابق صدر محمد خاتمی دے نِکّے بھرا ہِن۔ اُنّھاں دے ݙو ڄَاچے ہِن، ہک دِھی، فاطمہ تے ہک پُتر، علی۔

زہرا اشراقی آپݨی ہک یادداشت وِچ نقل کریندیاں ہِن جو امام خمینی دی آخری ساہ دے ویلھے وِچ سرہانے ٻِیہھی ہوئی ہَم۔ میں نے اِیندے پہلے اُنّھاں دے چہرے تے اِتنی خوبصورتی تے نور نی ݙٹھا ہَم۔ ایویں لڳدا ہَئی جو خداوند متعال دی ساری صفات تے اُون٘دا سارا جمال امام دے چہرے توں متجلی تھیندا پیا ہِے۔ اُتّھاں میں نے اِیں ڳالھ کوں سمجھیا جو امام خمینی مظہر الہی ہِن۔ تقریباً ݙین٘ہ دے باراں وڳے میں اُنّھاں دی خدمت وِچ پُڄّی، سلام کِیتا۔ اُنّھاں نے صرف اکھ دے اشارے نال جواب ݙِتّا۔ اِیں عرصے وِچ تقریباً سو واری اُنّھاں نے ذکر پڑھا ہوسی۔