زوجہ فینحاس

فینحاس دی ذال عبرانی بائبل وچ ہک بے ناں کردار ہے۔ ایندا ناں عبرانی بائبل وچ کتھائیں وی ذکر کائنی۔ ایندی کہانی صرف کجھ آیتیں تے مشتمل ہے، جیڑھی سفر صموئیل اول دے باب 4 دے اخیر وچ بیان کیتی ڳئی ہےے۔ اینکوں فینحاس دی ذال دے طور تے پیش کیتا ڳیا ہے۔ جݙاں اوہ ٻال ڄݨݨ دے نیڑے ہئی، تاں اوں فلستیاں دے ہتھوں خدا دے تابوت دے قبضے وچ ونڄݨ دی اتے اپݨے پئے دی جنگ وچ ہلاکت دی خبر سݨی۔ اوہ ٻال ڄݨݨ دے دوران فوت تھی ڳئی، لیکن اوں توں پہلے اپݨے پتر دا ناں "ایخابود" رکھا تے آکھیا: "اسرائیل توں جلال ویندا ریہا کیونکہ خدا دا تابوت گھن ڳیا ہے۔" سوزان بیگٹ دے مطابق، ایہہ عورت (نہ کہ عالی یا صموئیل) اسرائیل دے اوں اجتماعی خوف تے صدمے دا اظہار کریندی ےہ جیڑا تابوت دے ڳل ونڄݨ تے محسوس تھیا ہا۔ روبرٹ ایلٹر دا آکھݨا اے کہ تابوت دے ڳلݨ دا اثر ایندے تے ایندے پئےدی موت توں زیادہ ہا۔ جݙاں کہ ٻئے محققین دا منݨا اے کہ ایں عورت کیتے سب توں وݙا صدمہ ایندے پئے دی موت ہئی، لیکن سفر صموئیل دے مصنف نے اینکوں ایں طرح پیش کیتا اے کہ اوہ تابوت دے انجام کوں اپݨی ذات توں زیادہ اہم سمجھدی ہئی۔