زوار ذوقی
اصل ناں محمدزوار
قلمی ناں زوار ذوقیؔ
ڄمݨ 1984ء
تعلیم پرائمری
پیشہ زمیندارہ
فون نمبر 0301 4397871
جاہ پتہ اݙا حسین شاہ والا تحصیل چوک سرور شہیدضلع کوٹ ادو
(1)غزل
[لکھو | ماخذ وچ تبدیلی کرو]ظالم دے سر تاج ہے اِتھاں
ظلم دا ہر جاہ راج ہے اِتھاں
پیؤ دے سر توں پڳ لہہ ڳئی ہے
پتراں رولی لاج ہے اِتھاں
پورھیا کر کر عمراں ڳل ڳئی
اوکھا دھی دا ݙاج ہے اِتھاں
دل دے کمرے غم دی واچھڑ
ہجر مریندا گاج ہے اِتھاں
ݙاڈھے دے نت پیر نپیندے
ہیݨاں روز متھاج ہیِ اتھاں
ذوقیؔ کئی کئی حربے کر کے
لُٹّن لوک رواج ہے اِتھاں
(2)غزل
[لکھو | ماخذ وچ تبدیلی کرو]ہن جنہاں کول اختیار اڄکل
ٻہوں ظالم ہن زردار اڄکل
شوقین ہن بنگلے کاراں دے
ساݙے بݨدے نئیں او یار اڄکل
ہے کھا ڳئی غربت غیرت کوں
نی ریہا کئی خود دار اڄکل
ہن مطلب دے سب یار اتھاں
ہے پیسے نال پیار اڄکل
سکھ ول کے پھیرا پاتا نئیں
ݙکھ سر تے تھئین سوار اڄکل
اِتھ ذوقیؔ آپ رعیت دا
خود قاتل ہے سردار اڄکل