زنانیت دی تحریک

نیدر لینڈ دی ہِک چھوہِر ماہواری دے ݙیہاڑیاں وِچ زنانیت تحریک دے حِصّے دے طور تے ساریاں دے سامھݨے آپݨے حیض دے رَت دے وَہاء دا مظاہرہ کرین٘دی پئی ہے۔ ایہوں جیہیں مظاہرے اِیں مُلک وِچ کئی واری ݙِٹّھے ڳئے ہِن۔

زنانیت بھان٘وݨی تحریک (اردو: تحریک نسائیت، انگریزی: Feminist movement) جیکوں ٻئے لوّظاں وِچ زنانیاں دی تحریک یا زنانیت پسند تحریک یا صرف زنانیت وی آکھیا ویندا ہے، انّھاں سلسلہ وار سیاسی مہماں کوں آکھیا وین٘دا ہے جہڑے تولیدی حقوق، گھروڳا تشدد، زچگی دی رخصت، مساوی اجرت، چوݨ دا حق، جنسی ہراسانی اتے جنسی تشدد جئیں موضوعاں اُتے محیط ہے۔ اِیں تحریک دی اولیتاں ملک در ملک اَتے بیادری در بیادری انجو انج ہِن، جہڑیاں زنانی طہور دی پُر زور مخالفت کنوں گِھن کے زنانیاں کِیتے ہر حد اَتے ظاہری اڑچن کوں پار کرݨ اُتے مشتمل تھی سڳدی ہے۔ مغربی دُنیاں وِچ زنانیت پسند تحریکاں انجو انج لہراں یا دوراں کنوں لنگھ چُکیاں ہِن اَتے اُنّھاں وِچ ہر دور اَتے لہر دا آپݨاں نویکلا پَن اَتے مرکوزیت رہی ہے۔

اکویہویں صدی وِچ زنانیت پسند تحریک دی ہِک مثال

میݙا جسم میݙی مرضی حقوق نسواں دے علم برداراں دا نعرہ گَھڑا ڳِیا ہے۔ جہڑا پاکستان وِچ زنانیاں دے حقوق دے تناظر وِچ ہُلایا ون٘ڄݨ لڳیا ہِے۔ پاکستان وِچ 2018ء دے بعد کنوں زنانیاں دے عالمی ݙِین٘ہ دے موقعے تے منائے ون٘ڄݨ آلے تریمت مارچ نے اِیں نعرے کوں ݙاڈھا ہُلایا ہَئی۔ عام طور تے اِیں نعرے دا مقصد ایہ ہون٘دا ہے جو زنانیاں کوں اُنّھاں دی مرضی دے بغیر ہَتھ نہ لایا ون٘ڄے اَتے اُنّھاں دے نال زیادتی، ہراسانی یا عصمت دری نہ کِیتی ون٘ڄے جئیں مقصداں اُتے مبنی ہَئی۔  

ٻِیا ݙیکھو

• زنانیت
• زنانیاں دے حقوق
• نسوا