زنانیاں دے کھیݙ

زنانیاں دے کھیݙ یا عورتاں دے کھیݙ دا اطلاق پیشہ ورانہ تے غیر پیشہ ورانہ کھیݙاں تے تھیندے جیندے وِچ عورتاں حصہ گھندین تے کھیݙدین، پچھلی صدی کنوں ایں صدی دے ݙو ݙہاکیاں دے عرصے وِچ عورتاں ٻہوں زیادہ کھیݙاں وِچ حصہ گھندیاں پئین تے کئی شاندار ریکارڈ آپݨے ناں لکھ چکین۔ پر جے کھیݙ دے میدان وِچ عورتاں تے مرداں دے مظاہریاں دا مقابلہ کیتا ون٘ڄے تاں ݙٹھا ڳئے جو مغربی دنیا تے ترقی پزیر دنیا وِچ عورتاں دی حصے داری مرداں دے مقابلے کافی گھٹ ہِے۔ ایندی مثال بھارت تے پاکستان دے مقبول ترین کھیݙ کرکٹ کنوں گھدی ون٘ڄ سڳدی ہِے۔ ݙون٘ہائیں ملکاں وِچ قومی تے علاقائی سطح تے زنانیاں دیاں کرکٹ ٹیماں موجود ہِن۔ پر جے بھارت وِچ عوام الناس وِچ کہیں یادگار کرکٹ کھݙاری دا ناں گھنݨ کیتا ون٘ڄے تاں ناں سنیل گاوسکر، کپل دیو تے سچن ٹینڈولکر دا گھدا ویندے۔ ایویں ئی پاکستان وِچ لوک جاوید میانداد تے عمران خان دے ناں یاد کرین٘دن۔ لوک عام طور تے کہیں زنانی کرکٹ کھݙاری دا ناں عام طور تے نہ تاں بھارت وِچ گھندن تے نہ پاکستان وِچ۔ ایہو وجہ ہِے جو بھارت دی کرکٹ ٹیم دا عمومًا اطلاق بھارتی مرداں دی کرکٹ ٹیم تے تھیندے۔ ایویں ئی پاکستان دی کرکٹ ٹیم دا عمومًا اطلاق پاکستان دے مرداں دی کرکٹ ٹیم تے تھیندے۔ ݙون٘ہائیں پاسے جتھاں کھیݙ دے ذریعے مرد کھݙاری کافی کَمائی کرین٘دن، اتھاں عورتاں دی کَمائی کافی محدود ہوندی ہِے۔ پر ایندے وِچ کجھ کھیݙ دیاں شخصیات مستثنٰی ہِن۔ ٹینس دی ہِک بھارتی کھݙاری ثانیہ مرزا تے بھارتی پیشہ ورانہ بیڈمنٹن کھݙاری پی وی سندھو آپݨے کھیݙاں مرداں دے مقابلے کھیݙ کنوں کافی کَمائی کرین٘دین۔ ایہ زنانی کھݙاریاں اشتہارات تے برانڈ ایمبیسڈرشپ کنوں وی کافی پیسہ کَمائین٘دین، جیڑھا ٻئے کھیݙاں وِچ کامیاب مرداں دے مشابہ ہوندے۔ پر زیادہ تر زنانی کھݙاریاں کوں اشتہارات تے برانڈ ایمبیسڈرشپ کنوں کجھ خاص فائدہ حاصل نی تھیندا۔

زنانیاں دے کھیݙاں دے خوش کن پہلو

• مئی 2017ء وِچ انٹرنیشنل کرکٹ کونسل نے زنانیاں دے کرکٹ ورلڈ کپ کِیتے ݙگنی فنڈنگ دا اعلان کیتا ہئی۔
• آسٹریلیا دیاں زنانی کرکٹ کھݙاریاں دیاں تنخواہاں وِچ ایندے نال ئی ٻہوں وادھے دا اعلان کیتا ڳیا۔

زنانیاں دے کھیݙاں دے مایوس کن پہلو

• مئی 2018ء وِچ پاکستان دے قذافی اسٹیڈیم وِچ زنانیاں دی کرکٹ ٹیم بغیر کہیں سہولت دے پُڄی ہئی۔
• اولمپکس وِچ وزن چاوݨ دے زمرے وِچ کانسی دا تمغہ چاوݨ والی بھارتی زنانی کھݙاری کرنم ملیشوری ایہ آکھ چُکی ہِے جو بھارت وِچ زنانی کھݙاریاں کوں نہ صرف آپݨے تربیت کاراں کنوں بلکہ اسپورٹس فیڈریشناں دے عہدے داراں کنوں وی جنسی ہراسانی دا شکار تھیوݨا پوندے۔