زنانیاں دی تعلیم
تعلیم نسواں، تریمتیں دی خواندگی اَتے چھوہِریں دی تعلیم اُوہ جامع اصطلاحواں ہِن جہڑیاں خاص طور تے اَبادی وِچ شامل تریمتیں اَتے چھوہِریں دی تعلیم اُتے زور ݙین٘دے ہِن۔ اِیہ تعلیم انجو انج درجیاں اَتے سطحاں دی تھی سڳدی ہِے۔ مثال دے طور تے کُجھ اَبادیاں وِچ، جہڑیاں ہُݨ بھان٘ویں جو دُنیاں وِچ ٻہوں گَھٹ ہِن، پر اُتھاں چھوہِرِیں کوں سکول دی تعلیم منع ہے۔ کُجھ جائیں اُتے روایتی تعلیم دی جاء اُتے چھوہِرِیں گھر وِچ ای کُجھ پڑھݨ لِکّھݨ سِکھ گِھن٘دیاں ہِن جہڑا جو ہِک خاص مقصد کِیتے مفید تھی سڳدا ہے۔ ایہ مقصد مذہبی تعلیم تھی سڳدا ہِے یا ول گھروڳی لوڑاں کوں پورا کرݨ توں متعلق تھی سڳدا ہے، جیویں جو پکوان دیاں کتاباں یا خیاطی کنوں متعلق کتاباں۔ کُجھ کتاباں چھوہِریں وِچ معمولی درجے دا سہی، پر ضروری ہُنر پیدا کرین٘دیاں ہِن، جیویں جو مہندی لاوݨ کنوں متعلق تعلیم۔ کُجھ گھراں وِچروایتی تعلیم نسواں دا تصور صرف سکول دی تعلیم کوں ای سمجھیا وین٘دا ہِے۔ اِین٘دے وِچ کالج دی سطح کی تعلیم شامل نِھیں ہون٘دی۔ اِین٘دی بنیاد تے ݙُو وجوہاتاں تھی سڳدیاں ہِن۔ ہِک تاں اِیہ جو لوک چھوہِر کوں گھر وِچ روزگار کماوݨ آلا جݨاں نِھیں بݨاوݨاں چاہن٘دے۔ ݙُوجھا ایہ تصوّر ہون٘دا ہِے جو محدود خواندگی دے باوجود اُوہ چھوہِریں جہڑیاں آپݨی سکولی تعلیم مکمل کرین٘دیاں ہِن، اَڳّوں ون٘ڄ کے آپݨے ٻالاں دی پرورش اَتے اُنّھاں کوں سکولی تعلیم دے وِچالے مَدَت کر سڳدیاں ہِن۔ کُجھ جائیں تے تریمتیں کوں خاص طرز دی پیشہ ورانہ تعلیم اُتے زور ݙِتّا وین٘دا ہِے۔ اِیہ تعلیم عام طور تے تدریس دے شعبے کنوں متعلق ہون٘دی ہِے۔ کیوں جو اِیہ تصور ہون٘دا ہِے جو تدریسی عمل تریمتیں دی سرشت ہِن اَتے تدریس دا شعبہ تریمتیں کیتے اِیں وجہ کنوں محفوظ ہے جو اِین٘دے وِچ اُنّھاں کوں گَھٹ کنوں گَھٹ ٹُرناں پِھرناں پون٘دا ہِے،
تعلیم نسواں دی اہمیّت اقبال دی نظر وِچ
[لکھو | ماخذ وچ تبدیلی کرو]شاعرِ مشرق علامہ محمد اقبال تریمت کوں تمدّن دا مُن٘ڈھ قرار ݙین٘دے ہِن۔ اِنّھاں دی رو نال ڄیکر ݙِٹّھا ون٘ڄے تاں اِیہ مُنڈھ ہِن یعنی "تریمتیں دی صرف نگہداشت اَتے ݙیکھ بھال تعلیم دے ذریعے ای تھی سڳدی ہِے۔ ڄیکر تریمت کوں تعلیم ݙِتّی ون٘ڄے تاں تمدّن دا وَݨ بار آور تھی ویسی اَتے پَھلسی وَدھسی، نہیں تاں کائے نہ[١]۔