زنانیاں دا کَم
روایتی طور تے زنانیاں دا کم (انگریزی: Women's work) صرف گھر تک محدود سمجھا ویندا ہئی۔ اِیں وچ پکوان، ٻالاں دی پرورش، شوہر دا خیال تے گھر دی صفائی تے ݙیکھ بھال مقدم سمجھیا ویندا ہئی۔ تاہم جدید دور وچ اِیہ سوچ بدل ڳئی ہے تے خواتین دی ہک معتدبہ تعداد گھر توں ٻاہر کم کرݨ تے راضی ہے۔ اِیں دی کئی وجوہات ہن جنہاں وچ اولاً معاشی پہلو ہے جو گھر ہک تنخواہ نال چلݨ وچ دشواری، عورتاں دی معاشی طور تے خود مختار تھیوݨ دی خواہش، تے کجھ معاملات وچ سسرال والیاں کنوں ݙینہہ دے گھٹ توں گھٹ کجھ وقت کیتے دور رہوݨ دی کوشش وی شامل ہے۔تاہم گھر توں ٻاہر کم کرݨ والیاں خواتین مرد دے شانہ بشانہ کائنی بلکہ اونداں توں وی زیادہ کم کردین۔ انہیں گھر تے دفتر ݙوہیں دا کم کرݨا پیندا ہے۔ ݙوہیں جاہیں تے انہاں دی صلاحیتاں کوں شک دی نظر نال ݙٹھا ویندا ہے، اوہ جیہڑا وی کم کر گھنن، لوک کہیں وی غلطی یا غلطی نہ تھووے تاں وی انہیں طعنہ ݙے ݙیندن۔ نوکری کرݨ والیاں خواتین دی پہلی مخالفت انہیں دے اپݨے گھر توں شروع تھیندی ہے۔ ٻہوں سارے ٹَٻَّراں وچ عورت دا نوکری کرݨ بے عزتی سمجھیا ویندا ہے۔ ایویں ٹَٻَّراں وچوں کہیں عورت دا اپݨے گھر والیاں کوں اپݨی نوکری کیتے مناوݨا ای ہک وݙی ڳال ہے۔ تاہم اِیں دے باوجود خواتین اڳوں ٹُرݨ وچ کامیاب تھیندیاں پئین۔ [١]
مشکلات
[لکھو | ماخذ وچ تبدیلی کرو]- 155 دیساں وچوں تقریباً 90% دیساں وچ کہیں نہ کہیں ایسا قانون موجود ہے جو خواتین دی معاشی ترقی وچ رکاوٹ ہے۔
- 118 دیساں وچ خواتین دے کم کرݨ تے پابندی ہے یا انہیں کم کرݨ کیتے مرداں دی اجازت دی لوڑ ہوندی ہے جو اوہ کہڑے قسم دی نوکری کرن۔
- 31% دیساں وچ خواتین کوں پاسپورٹ گھنݨ کیتے اپݨے شوہراں کنوں اجازت گھنݨی پیندی ہے تے ٻہوں ساریاں شادی شدہ عورتاں اپݨے ٻالاں دی شہریت حاصل نہیں کر سڳدیاں۔
- تقریباً 28% دیساں وچ مرداں کوں گھر دا سربراہ منا ویندا ہے تے عورتاں تے فرض ہے جو اوہ انہیں دی حکم مݨن۔
- دفتر وچ ڳالھ ڳالھ تے فوری کم دی تکمیل دا مطالبہ کرݨ والا مالک، روزانہ کم دی لمبی فہرست تے منفی ماحول ایویں کجھ وجوہات ہن جنہاں دی وجہ توں خواتین دفتر وچ تناؤ وچ ریہندین۔ ایویں وچ نہ چاہندے ہوئے وی انہیں دی کارکردگی متاثر تھی ویندی ہے تے اوہ کجھ وی نہیں کر پاندین یا شدید ذہنی دباؤ دا شکار تھی ویندین۔[٣]