زم زم

زمزم دا پاݨی حضرت ابراہیم علیہ السلام تے حضرت ہاجرہ علیہا السلام دے شیر خوار پتر حضرت اسماعیل علیہ السلام دی پیاس وسماوݨ دے بہانے اللہ تعالیٰ نے تقریباً 4 ہزار سال قبل ہک معجزے دی صورت وچ مکہ مکرمہ دے بے آب و گیاہ ریگستان وچ جاری کیتا جیہڑا اج تک جاری ہے۔

زم زم دی جاہ

تفصیلات

جناب عبد المطلب دے زمانے وچ چاہِ زم زم دی کھدائی دے بعد توں گھن کے ہݨ تک اس کھوہ دی لمبائی، چوڑائی تے گہرائی وچ تبدیلی نی گھنائی گئی۔ یعنی ایہ آج تک 18 فٹ لمبا، 14 فٹ چوڑا تے تقریباً 5فٹ گہرا ہے۔

مکہ دا شہر جس وادی وچ ہے اوہ چاراں طرفوں گرینائٹ چٹاناں والے پہاڑاں وچ گھری ہوئی ہے۔ حرم شریف ( مسجد الحرام) وادی وچ سب توں نچلے مقام تے ہے۔ خانہ کعبہ تے مسجد الحرام سمیت پورا شہر مکہ، ریت تے گار دی تہ ( sand and silt formation) تے واقع ہے۔ جس دی گہرائی 50 توں 100 فٹ تک ہے تے جس دے تلے آتشی چٹاناں دی ہک تہ پھیلی ہوئی ہے۔ چاہِ زم زم وی ریت / گار دی ہیں تہ تے واقع ہے تے اس وچ پاݨی دی سطح، اطراف دی زمین توں 40 تا 50 فٹ دی گہرائی تے ہے۔

ابن الصاحب المصری آہدے ہن کہ میں آب زم زم دا وزن مکہ دے ہک چشمہ دے پاݨی نال کیتا تاں میں زم زم کوں اس توں چوتھا حصہ وزنی پاتا۔ ول میں میزان طب دے حساب نال ݙٹھا تاں اس کوں تمام پاݨیاں توں طبی تے شرعی لحاظ نال افضل پاتا۔