زرینہ جمال

زرینہ جمال پاکستان دی سابقہ بیڈمنٹن کھلاڑی ہِن تے سابقہ قومی چیمپیئن وی ہِن۔ زرینہ اِیں ویلے (2019ء) ملک دی واحد زنانی بیڈمنٹن کوچ ہِن۔

پیشہ ورانہ حیاتی

قومی

زرینہ جمال 1994ء وچ قومی چیمپیئن بݨیاں ہَن جِہڑیلے پاکستانی شہریاں دا لاہور وچ بیڈمنٹن ٹورنامنٹ دا انعقاد تھیا ہئی ۔

بین الاقوامی

1991ء وچ ڈنمارک دے کوپن ہیگن وچ منعقدہ عالمی بیڈمنٹن چیمپئن شپ وچ، زرینہ کوں سنگل تے مخلوط جوڑی مقابلیاں وچ حصہ گِھدّݨاں ہئی۔ پر، اِیں وچ انّھاں نے مقابلہ نہ کِیتا۔

1995ء وچ، انّھاں نے سوئٹزرلینڈ دے شہر لوزین وچ منعقدہ ورلڈ بیڈمنٹن چیمپئن شپ وچ انفرادی، زنانیاں دی جوڑی تے مخلوط جوڑی مقابلیاں وچ حصہ گِھدّا ہئی جِتھاں اوہ 128ویں راؤنڈ (ݙوجھے راؤنڈ) وچ ہار ڳئی ہَن۔