زرتاج گل

زرتاج گل
وزارت ماحولیاتی تبدیلی
آغاز منصب 5 اکتوبر 2018
صدر	عارف علوی
وزیر اعظم	عمران خان
وزیر	ملک امین اسلم
رکن قومی اسمبلی پاکستان
آغاز منصب 13 اگست 2018
معلومات شخصیت
پیدائش	سنہ 1984ء (عمر 40–41 سال)  وزیرستان
شہریت	پاکستان
جماعت	پاکستان تحریک انصاف
عملی حیاتی
پیشہ	سیاست دان

زرتاج گل (اردو: زرتاج گل، کنوں) (جنم: 17 نومبر 1984ء) ہِک پاکستانی سیاست دان زنانی ہِن جین٘دا تعلق پاکستان تحریک انصاف نال ہِے۔ اِیہ پندرھویں قومی اسمبلی پاکستان دی چُݨی ہوئی رکن ہَن۔  

ابتدائی حیاتی اَتے تعلیم

زرتاج گل دا تعلق شمالی وزیرستان، خیبر پختونخوا نال ہِے۔ 17 نومبر 1984ء کوں وزیر پٹھان گھرانے وِچ اَکھ کھولی۔ انھاں نے کوئین میری کالج، لاہور توں انڈر گریجویٹ اَتے اِیں دے بعد نیشنل کالج آف آرٹس توں پوسٹ گریجویٹ تعلیم حاصل کِیتی۔

زرتاج گل نے تعلیم مکمل کرݨ دے بعد پاکستان تحریک انصاف (پی ٹی آئی) وِچ شامل تِھی ڳئیاں۔[7] اَتے 2005ء وِچ انصاف اسٹوڈنٹ فورم (آئی ایس ایف) دی رضاکار بݨ ڳئیاں۔

زرتاج گل 2010ء وِچ شادی دے بعد ڈیرہ غازی خان منتقل تِھی ڳئیاں۔

سیاسی حیاتی

زرتاج گل نے 2013ء دے عام انتخابات وِچ حلقہ این اے 172 (ڈیرہ غازی خان-2) توں پاکستان تحریک انصاف دی امیدوار دی حیثیت نال پاکستان دی قومی اسمبلی دی نشست کِیتے انتخاب لڑیا، پر اُون٘ہاں ناکام رہیاں۔ انھاں نے 38,643 ووٹ حاصل کِیتے اَتے اِیہ نشست حافظ عبد الکریم کتوں ہار ڳئیاں۔

زرتاج گل پاکستان دے عام انتخابات، 2018ء وِچ حلقہ این اے 191 (ڈیرہ غازی خان-3) توں پاکستان تحریک انصاف دی امیدوار ہَن۔ انھاں نے 79,817 ووٹ حاصل کر تے اِیہ نشست جِتی۔

5 اکتوبر 2018ء کوں، اُون٘ہاں وزیر اعظم عمران خان دی وفاقی کابینہ وِچ شامل تِھئیاں اَتے وزیر مملکت برائے ماحولیاتی تبدیلی دے عہدے تے فائز تِھئیاں۔

استعفیٰ

مارچ 2022 دے دوران پاکستان تحریک انصاف حکومت دے خلاف رجیم چینچ دی امریکی سازش دے بعد، جݙݨ عمران خان دے خلاف تحریک عدم اعتماد کامیاب تِھئی، تاں اِیں دے بعد وزیر اعظم عمران خان دی کابینہ اَتے پاکستان تحریک انصاف دے اراکین اسمبلی نے اجتماعی طور تے استعفی ݙیوݨ دا فیصلہ کِیتا، جیڑھی وجہ توں 10 اپریل 2022 کوں زرتاج گل نے وی استعفی ݙِتّا۔