زبیدہ بنت جعفر

زبیدہ بنت جعفر
معلومات شخصیت
پیدائش	سنہ 766ء   بغداد
وفات	10 جولا‎ئی 831ء (64–65 سال)  بغداد
مدفن	جامع مسجد طرسوس
شہریت	دولت عباسیہ
مذہب	اسلام
شریک حیات	ہارون الرشید
اولاد	امین الرشید
والد	جعفر ابن منصور
والدہ	سلسل بنت عطاء
خاندان	بنو عباس
دیگر معلومات
پیشہ	سیاست دان
پیشہ ورانہ زبان	عربی

ام جعفر زبیدہ بنت جعفر بن ابو جعفر منصور ہاشمی خاندان دی چشم و چراغ ہَن۔ ایہ خلیفہ ہارون الرشید دی چاچا زاد تے زال ہَن۔ انّھاں دا ناں "امۃ العزیز" ہئی۔ انّھاں دے ݙاݙا ابو جعفر المنصور ٻچپݨ وچ انّھاں نال چنڳاں کھیڈا کریندے ہَن۔ اوہ انّھاں کوں "زبیدہ" (دُدھ بلوݨ والی مدھانی) آہدے ہوئے سݙیندے ہَن، چنانچہ سب ایں ناں نال سݙݨ لڳ ڳئے تے اصل ناں بھُل ہی ڳئے۔ ایہ نہایت چنڳصورت تے ذہین تے فطین ہَن۔ جݙݨ جوان تھئین تاں خلیفہ ہارون الرشید نال انّھاں دی شادی تھی ڳئی۔ ایہ شادی وݙی دھوم دھام نال ذوالحجہ 165ھ مطابق جولائی 782ء وچ تھئی۔ ہارون الرشید نے ایں شادی دی خوشی وچ ملک بھر توں عوام تے خواص کوں دعوت تے سݙایا تے مہماناں دے درمیان اے ڄاݨاں زیادہ مال ونڈیا جیندی مثال تاریخ اسلامی وچ مفقود ہئی۔ ایں موقع تے خاص بیت المال توں اینے پانچ کروڑ درہم خرچ کیتے۔ ہارون الرشید نے اپݨے خاص مال توں جو کجھ خرچ کیتا اوہ ایندے علاوہ ہئی۔

زبیدہ دی وجہ تسمیہ

ہارون الرشید ملکہ زبیدہ نال بہوں محبت کریندا ہئی۔ ہک واری اینے اپݨی زال کوں ایہ آہدے ہوئے سݙیا: "ھلمی یا ام نھر" (ام نہر! ذرا اتھاں آؤ)۔ زبیدہ نے بعد وچ مشہور عالم اصمعی کوں سݙوا کے پچھا: "امیر المومنین میکوں 'ام نہر' آہدے ہوئے سݙیندن، ایندے کیا معنی ہن؟" اصمعی نے جواب ݙتا: "چونکہ جعفر عربی لغت وچ 'نہر' کوں آہدن تے آپ دی کنیت ام جعفر ہئی، ایں سانگے نہر معنی مراد دے آپ کوں ایں ناں نال سݙیا ہوسی۔"

نہر زبیدہ

زبیدہ بنت جعفر نے پاݨی دی قلت دے سبب حجاج کرام تے اہل مکہ کوں درپیش مشکلات تے دشواریاں دا اپݨیاں اکھیں نال مشاہدہ کیتا تاں انّھاں نے شہر مکہ تے میدان عرفات کوں پاݨی دی فراہمی کِیتے ہک نہر بݨوائی، جیندا تاریخ وچ نہر زبیدہ دے ناں نال ڄاݨا ویندا ہئی۔

وفات

ملکہ زبیدہ دی وفات سوموار 26 جمادی الاول 216ھ مطابق 10 جولائی 831ء کوں بغداد وچ تھئی تے مقبرہ خیزران وچ دفن تھئین۔