زاہد بزمی

اصل ناں       زاہد محمود

قلمی ناں       زاہد بزمیؔ

جٖمنْ           1985ء

تعلیم          ایف اے

پیشہ           ذاتی کاروبار

فون نمبر        0303 2026481

جاہ پتہ         رانْا سٹریٹ ٹیچرز کالونی علی پور ضلع مظفر گٖڑھ

غزل

ڈٖسیندا کیوں نہیں کوئی تیڈٖی تقسیم دا مطلب

برائے نام ہے خلقت اُتے تعلیم دا مطلب

فقط ظلمت ونڈیندا پئے ایہو ملّاں زمانے دا

تیڈٖے ناں دی ڈٖسیندا نئیں پیا تکریم دا مطلب

جیکوں دعوٰی ہے اپنْے علم و فن تے او ڈٖساوے چا

علی دی عین دا مطلب، نبی دی میم دا مطلب

فقط ہے فرق فرقیں دا ، ریا دا راج ہے قائم

ڈٖسایا نئیں گٖیا اجٖ تئیں ’’ا‘‘، ’’ب‘‘ ،’’ج‘‘ دا مطلب

نہ غور و فکر ہے پلّے نہ علم و آگہی یا رب!

پچھے کَیں توں تیڈٖا بزمی ؔ تیڈٖی تحریم دا مطلب