زاہدان

زاہدان

زاہدان ایران دا ہک سرحدی شہر ہے جیہڑا صوبہ سیستان و بلوچستان وچ پاکستان اتے افغانستان دی سرحد دے نیڑے ہے۔ اے شہر ریلوے لائن اتے سڑک دے ذریعے پاکستان نال ملیا ہویا ہے۔ اے شہر صوبہ سیستان و بلوچستان دا دار الحکومت ہے۔ اے شہر پاکستان اتے ایران دی سرحد دے قریب ہے جتھاں بلوچ لوک رہندن۔ سنہ 2006ء دی مردم شماری وچ، ایندی آبادی 109,488 گھراں وچ 552,706 ہئی۔ اگلی مردم شماری جیہڑی سنہ 2011ء وچ تھئی، وچ 134,088 گھراں وچ 560,725 افراد کوں شمار کیتا ڳیا۔ سنہ 2016ء دی تازہ ترین مردم شماری نے 146,717 گھراں وچ 587,730 افراد دی آبادی ظاہر کیتی۔ اے شہر اکتوبر 2022ء وچ ہک مہلک کریک ڈاؤن دا مقام ہئی، جتھاں درجناں شہری حکومت دی حامی فورسز دے ہتھوں مارے ڳئے۔ 90 توں زیادہ لوک مارے ڳئے۔ کریک ڈاؤن دے بعد ݙو اعلیٰ پولیس اہلکاراں کوں برطرف کر ݙتا ڳیا۔ 28 اکتوبر کوں زاہدان وچ احتجاجی مظاہرے تھئے اتے سیکورٹی فورسز نے مظاہرین تے فائرنگ کیتی جیندے نال ہک شخص ہلاک اتے چوݙہ زخمی تھئے۔ 3 نومبر 2022ء کوں، شیعہ عالم اتے خامنہ ای دے وفادار سجاد شاہراکی کوں زاہدان وچ قتل کر ݙتا ڳیا۔ اگلے ݙینہہ، شہر وچ وݙے پیمانے تے مظاہرے تھئے اتے پاسداران انقلاب اتے ٻئیاں مسلح افواج نے مظاہرین تے ڳولیاں چلائیاں۔