ریحام خان

ریحام خان
معلومات شخصیت
پیدائش	3 اپریل 1973ء (52 سال)  اجدابیا
شہریت	پاکستان مملکت متحدہ
پئے دا ناں	عمران خان (2015–2015)
تعداد اولاد	3
عملی حیاتی
پیشہ	صحافی ،  مصنفہ
پیشہ ورانہ زبان	انگریزی
ویب سائٹ
ویب سائٹ	باضابطہ ویب سائٹ
باب ادب

ریحام خان Reham Khan
معلومات شخصیت
پیدائش	(1973-04-03) اپریل 3, 1973 اجدابیا، لیبیا
قومیت	برطانوی پاکستانی
مذہب	اسلام
پئے دا ناں	اعجاز رحمان(1992–2005)، عمران خان (2015) طلاق۔ مرزا بلال بیگ (2022)
اولاد	ساحر ردھا عنایہ
تعداد اولاد	3
عملی حیاتی
تعليم	صحافت میں ماسٹرز
پیشہ	صحافی
پیشہ ورانہ زبان	انگریزی
دور فعالیت	2007–تا حال
ویب سائٹ
ویب سائٹ	باضابطہ ویب سائٹ

ریحام خان ہک برطانوی پاکستانی صحافی ہَن۔ اوہ پاکستان تحریک انصاف (پی ٹی آئی) دے صدر عمران خان دی سابقہ بیوی ہَن، تاہم ہݨ ݙوہائیں دے درمیان طلاق تھی چُکی ہَئی جیندی تصدیق 30 اکتوبر 2015ء کوں تھئی جݙݨ عمران خان نے اپݨے ٹوئٹر پیغام وچ ایں بابت ٹویٹ لِکّھا۔

ابتدائی حیاتی

ریحام دی پیدائش ہک پاکستانی ڈاکٹر نیئر رمضان دے گھر تھئی۔ انّھاں دا تعلق سواتی قبیلے دی ذیلی شاخ لغمانی قبیلے نال ہَئی تے ایہ نسلاً پشتون ہَن۔ ایہ چار زباناں روانی نال ٻول سڳدی ہَن، جیندے وچ شامل ہَن انگریزی، اردو، پشتو تے انّھاں دی آبائی زبان ہندکو۔ انّھاں دے خاندان دا تعلق بفہ دے علاقے نال ہَئی جو مانسہرہ، خیبر پختونخوا توں پندرہ کلومیٹر مغرب وچ واقع ہَئی۔ انّھاں دے والدین 1960ء دے اواخر وچ لیبیا چلے ڳئے ہَن جتھاں 3 اپریل 1973ء کوں اجدابیا وچ ریحام دی ولادت تھئی۔ انّھاں دا ہک بِھرا اَتے بھیݨ ہَئی۔

ریحام عبد الحکیم خان دی بھانجی ہَن جو خیبر پختونخوا صوبے دے گورنر رہ چُکے ہَن تے پشاور ہائی کورٹ دے چیف جسٹس وی ہَن۔ ریحام نے جناح کالج برائے خواتین، پشاور توں بی اے کِیتے۔

پہلی شادی اَتے طلاق

انّھاں دا پہلا نکاح 23 جولائی 1992ء کوں ایبٹ آباد وچ اعجاز ولد فضل الرحمان دے نال تھیا۔ انّھاں دے پہلے شوہر اعجاز رحمان ماہر نفسیات ہَن، صحافت دے شعبے وچ آنݨ دی وجہ توں ݙوہائیں وچ اختلافات پیدا تھئے، 2005ء وچ طلاق تھی ڳئی۔ ایں شادی توں ریحام دے ترئے بچے (ہک پُتر، 2 بیٹیاں) ساحر رحمان، ردھا رحمان تے عنایہ رحمان ہَن جو برطانیہ وچ مقیم ہَن۔

کَم کار آلی حیاتی

طلاق دے بعد ریحام نے براڈکاسٹ جرنلسٹ دے طور تے کم کرݨا شروع کر ݙِتے۔ پہلا ہوسٹنگ شو 2006ء وچ لیگل ٹی وی تے کِیتے۔ 2007ء وچ سن شائن ریڈیو ہیرفورڈ تے ورسیسٹر کِیتے کم کِیتے۔ 2008ء وچ ریحام نے بی بی سی وچ براڈکاسٹ جرنسلٹ دے طور تے شمولیت اختیار کر گِھدّی۔

2013ء وچ پاکستان آمد تھئی تے پاکستانی ٹی وی چینل نیوز ون وچ شمولیت اختیار کِیتی۔ ایندے بعد آج ٹی وی وچ چلی ڳئیں۔ 2014ء وچ کجھ مدت کِیتے پی ٹی وی ڳئیں مگر مختصر مدت بعد اِیں کوں چھوڑ تے ڈان نیوز تے حالات حاضرہ دا پروگرام ان فوکس شروع کر ݙِتے۔

2015ء وچ کجھ دیر شادی دے بعد ٹی وی پروگرام نہ کِیتے مگر پھر ڈان توں ہی مئی وچ ہک نیا پروگرام "ریحام خان شو" شروع کِیتے جیندے وچ پاکستانی ہیروز دی ستائش کِیتی ڳئی۔ دسمبر 2015ء وچ نیو ٹی وی توں تبدیلی (تبدیلی سابقہ شوہر عمران خان دا سیاسی نعرہ ہَئی) دے نام نال ہک نیا ٹی وی پروگرام شروع کِیتے۔ جون 2016ء وچ نیو ٹی وی کوں خیرباد آکھ ݙِتے۔

فلم

ریحام نے جاناں نام دی رومانوی مزاحیہ فلم وی بݨائی، جو سوات دے علاقے وچ فلمائی ڳئی تے ستمبر 2016ء وچ ریلیز تھئی۔

عمران خان نال شادی تے طلاق

6 جنوری 2015ء دے ݙینہ عمران خان نے ریحام خان نال اپݨی شادی دی تصدیق کر ݙِتی جیندے بارے وچ اکتوبر 2014ء توں چہ مگوئیاں تھیندی پئی ہَن (بعد ازاں ریحام خان نے دعویٰ وی کِیتے جو انّھاں دی عمران خان نال شادی نواز شریف دے خلاف دھرنے وچ ہی تھی ڳئی ہَئی)۔ شادی دی تقریب عمران خان دی رہائش گاہ بنی گالہ وچ منعقد تھئی جبکہ ولیمے دی تقریب وچ غریب بچّیاں وچ کھانا ونڈا ڳیا۔ شادی دی تقریب وچ کوئی سیاسی شخصیت موجود نہ ہئی۔

کُجھ مہینے بعد ای اختلافات دی خبراں گردش کرݨ لڳ پئے تے بالآخر 30 اکتوبر 2015ء کوں عمران خان نے ٹویٹ دے ذریعے طلاق دی تصدیق کِیتی۔

تریجھی شادی

23 دسمبر 2022ء کوں انّھاں نے مرزا بلال بیگ نال تریجھی شادی امریکا وچ کِیتی۔